ԱԺ «Հայաստան» խմբակցութեան ղեկավար Աննա Գրիգորեանը, խմբակցութեան քարտուղար Արթուր Խաչատրեանը եւ խմբակցութեան պատգամաւոր Լեւոն Քոչարեանը հոկտեմբերի 8-ին հանդիպել են Հայաստանում ԱՄՆ դեսպանութեան գործերի ժամանակաւոր հաւատարմատար Դէյւիդ Ալենի հետ։
Քննարկուել են Հայաստան-ԱՄՆ յարաբերութիւնների խորացմանն ու համագործակցութեան ընդլայնմանն առնչուող հարցեր։
«Հայաստան» խմբակցութեան ներկայացուցիչները խօսել են մեր երկրում տեղի ունեցող ներքաղաքական գործընթացների մասին, ներկայացրել իրենց դիտարկումները խօսքի ազատութեան, օրէնքի գերակայութեան եւ մարդու իրաւունքների պաշտպանութեան հարցերի առնչութեամբ։
Պատգամաւորները մտահոգութիւն են յայտնել, իրենց կարծիքով, որոշ քրէական հետապնդումների ու ժողովրդավարական յետընթացի վերաբերեալ։
Կողմերը մտքեր են փոխանակել Հայաստան-Ադրբեջան յարաբերութիւնների կարգաւորման, ինչպէս նաեւ «Թրամփի ուղի՝ յանուն միջազգային խաղաղութեան եւ բարգաւաճման» (ԹՐԻՓՓ) նախագծի վերաբերեալ։
