ՀԱՂՈՐԴԱԳՐՈՒԹԻՒՆ
Մայր Աթոռ Սուրբ Էջմիածնի Մէջ Տեղի Ունեցաւ Ազգային Բարերար Տիար Ճէրի Թրբանճեանի Հանդիսաւոր Թաղման Կարգը
Նախագահութեամբ Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսին, Նոյեմբեր 27-ին, Մայր Աթոռ Սուրբ Էջմիածնի Սրբոց Հրեշտակապետաց եկեղեցւոյ մէջ տեղի ունեցաւ Մայր Աթոռի եւ Ամերիկայի Միացեալ Նահանգներու Արեւմտեան Թեմի ազգային բարերար Տիար Ճէրի Թրբանճեանի թաղման արարողութիւնը: Մեծանուն բարեարը իր մահկանացուն կնքած էր Նոյեմբերի սկիզբը, Լոս Անճէլըսի մէջ:
Թաղման արարողութեան ներկայ գտնուեցաւ Ամերիկայի Միացեալ Նահանգներու Արեւմտեան Թեմի Առաջնորդ՝ Բարձրաշնորհ Տէր Յովնան Սրբ. Արքեպիսկոպոս Տէրտէրեանը, որ օրեր առաջ հանգուցեալի հարազատներու ընկերակցութեամբ ժամանած էր Հայաստան:
Թաղմանական կարգի աւարտին, Ամենայն Հայոց Վեհափառ Հայրապետը իր ցաւակցութիւնը յայտնեց հանգուցեալի հարազատներուն եւ մտերիմներուն, վեր առանելով լուսահոգի Ճէրի Թրբանճեանի բազմավաստակ ու ազգաշահ իրագործումները:
Դիւան Առաջնորդարանի
Նոյեմբեր 29, 2024
