BBC- «Ամուսնալուծութիւն Ռուսաստանի հետ, համագործակցութիւն Եւրոպայի հետ. Ի՞նչ սպասել հայկական ընտրութիւններից» վերնագրով վերլուծական յօդուածը նոր հարցադրումներ առաջացնում։
«Հայաստանը ամրապնդել է իր ժողովրդավարութիւնը», – յայտարարել է Ֆրանսիայի նախագահ Մակրօնը Երեւան կատարած այցի ժամանակ: Նրանք Փաշինեանի հետ շրջագայել են երկրով մէկ ՝ ֆրանսահայ երգիչ Շառլ Ազնաւուրի «Լա Բոհեմ» երգը որպէս օրհներգ կատարելով: Մակրօնը նոյնիսկ երգել է այն պաշտօնական ընթրիքի ժամանակ՝ Փաշինեանի հարուածային գործիքներ նուագելով։
Եւրոպական յանձնաժողովի նախագահ Ուրսուլայ ֆոն դեր Լեյենը եւ այլ եւրոպացի առաջնորդներ մայիսին խօսեցին Երեւանի ժողովրդաւարութեան եւ եւրոպական արժէքների նկատմամբ հաւատարմութեան մասին։
Սակայն Հայաստանից պատկերը պակաս թափանցիկ է թւում։ «Մենք արագօրէն շարժւում ենք հակաժողովրդավարականի ուղղութեամբ»,-ասում է քաղաքագէտ Գրիգորեանը։
Վերջին տարիներին ընդդիմադիր գործիչները, բլոգերները եւ կառավարութեանը քննադատող հասարակական գործիչները, ինչպէս նաեւ Հայ Առաքելական եկեղեցու առաջնորդը եւ նրա եպիսկոպոսները, ներգրաւուել են քրէական գործերում։ Այս գործերին յաճախ նախորդել են Փաշինեանի քննադատութիւնները։
Մայիսի կէսերին Արթուր Օսիպեան անունով ղարաբաղցի փախստականը վիճեց վարչապետի հետ տարածքի ճակատագրի վերաբերեալ։ Վարչապետը կորցրեց ինքնատիրապետումը, եւ նրանց զրոյցն աւարտուեց նրանով, որ Օսիպեանը բռնի կերպով քարշ տուեցին թիկնապահների եւ կառավարութեան կողմնակիցների կողմից։ Դրանից յետոյ Փաշինեանը սկսեց հայհոյանքներ հնչեցնել մէգաֆոնով. «Երբ կար Ղարաբաղի հարցը, գնայիք եւ մեռնէիք, դու ինչո՞ւ ես դեռ կենդանի» եւ «Հեյ, սրիկայ։ Ինչո՞ւ ես կենդանի։ Դու պէտք է գնայիր եւ մեռնէիր»։ (Օսիպեանը, ի դէպ, Երկրորդ Ղարաբաղեան պատերազմի ժամանակ կռուել է առաջնագծում):
Նոյն հանրահաւաքի ժամանակ Փաշինեանը շարունակեց վիրաւորանքներ հնչեցնել եւ սպառնալ իր քննադատներին: «Ես ձեզ բոլորիդ կկզցնեմ եւ կոչնչացնեմ», – բղաւեց Փաշինեանը՝ հնչեցնելով հիմնական ընդդիմադիր կուսակցութիւնների առաջնորդների անունները:
Նոյն օրը Օսիպեանը, որը համարձակուել էր վիճել վարչապետի հետ, կալանաւորուեց, եւ դատարանը նրան աւելի ուշ դատապարտեց երկու ամսուայ ազատազրկման: Նա նախնական կալանքի տակ հացադուլ յայտարարեց: Օսիպեանի ձերբակալութիւնը ցնցեց հայ հասարակութեանը: Նրա դէմ մեղադրանքները հայկական իրաւապաշտպան կազմակերպութիւնների, այդ թւում՝ իշխանամէտ կազմակերպութիւնների համատեղ յայտարարութեան մէջ որակւում են որպէս «անօրինական, անհիմն եւ քաղաքական դրդապատճառներ ունեցող»:
Նախորդ շաբաթ Փաշինեանը հանրահաւաքի ժամանակ յայտարարեց ընդդիմադիր կուսակցութիւններից մէկի առաջնորդի դէմ քրէական գործ յարուցելու մասին, եւ գործն իսկապէս յարուցուեց: Խուզարկուեց մէկ այլ ընդդիմադիր գործչի՝ խորհրդարանի ներկայիս անդամի տունը:
Փաշինեանը նաեւ յայտարարեց մէկ այլ կուսակցութեան ղեկավարի բիզնեսը պետականացնելու ծրագրերի մասին, եւ նոյն օրը գլխաւոր դատախազութիւնը խախտումներ յայտնաբերեց այդ ընկերութեան մասնաւորեցման գործում: Աւելի վաղ, իշխող կուսակցութեան նախընտրական պաստառը պատռելու համար ձերբակալուել էր Երեւանի արովարձաններից մէկի բնակիչ։ Ոստիկանութիւնը նրան հոգեկան հիւանդ էր ճանաչել եւ տեղափոխել հոգեբուժարան, որտեղ մի քանի ժամ անց նա ինքնասպան էր եղել։
Ամբողջ յօդուածը՝ այս յղումով։
