Երէկ` երկուշաբթի, 5 հոկտեմբեր 2026-ին, Լիբանանի Հանրապետութեան նախագահ զօրավար Ժոզեֆ Աուն այցելեց Արամ Ա. վեհափառ հայրապետին:
Նախագահ Աունի այցելութեան հիմնական նպատակն էր ցաւակցութիւն յայտնել վեհափառ հայրապետին` եղբօր` Աւետիս Քէշիշեանի մահուան առիթով: Ան վերջերս մահացած էր Նիւ Եորքի մէջ:
Հանդիպումին ներկայ էին երիտասարդութեան եւ մարմնակրթութեան նախարար դոկտ. Նորա Պայրագտարեան, Ազգային կեդրոնական վարչութեան Քաղաքական ժողովի համաատենապետ Ստեփան Տէր Պետրոսեան, Լիբանանի խորհրդարանի ելեւմտական եւ պիւտճէական յանձնախումբի նախագահ երեսփոխան Իպրահիմ Քանաան, Լիբանանի հայոց թեմի առաջնորդ Շահէ արք. Փանոսեան եւ միաբան հայրեր:
