Հայոց ցեղասպանութեան թանգարան-ինստիտոյuտի նախկին տնօրէն Հայկ Դեմոյեանը գրում է․
«ՊԱՀԱՆՋՈՒՄ ԵՆՔ ՆԵՐՈՂՈՒԹՅՈՒՆ ԽՆԴՐԵԼ ՀԱՆՐՈՒԹՅՈՒՆԻՑ
Մի քանի օր առաջ իրազեկեցի իմ յաջորդ գործողութիւնների ու ԿԳՄՍ նախարար Ժաննայ Անդրէասեանին մի քանի խայտառակ դրուագների կապակցութեամբ դատական պատասխանատուութեան ենթարկելու անհրաժեշտութեան մասին:
Պարտադիր եմ համարում նաեւ անդրադառնալ ՀՑԹԻ տնօրէն Էդիտայ Գզոյեանի ու ՀՑԹԻ նախկին փոխտնօրէն Սուրէն Մանուկեանի ապաշնորհ ու անպատուաբեր գործելաոճին:
Վերջին 10 օրուայ ընթացքում այս երկուսը հետեւողականօրէն ապակողմնորոշում էին հանրութեանը՝ միտումնաւոր կերպով տալով սխալ տեղեկատուութիւն Հայոց ցեղասպանութեան յուշահամալիրում տիրող խայտառակ իրավիճակի շուրջ:
Էդիտայ Գզոյեանը, հանդիսանալով ՀՑԹԻ տնօրէն եւ վերանորոգման աշխատանքների պատուիրատու կողմ, հանրային իր ելոյթներում նկարագրում էր իրականութեանը չհամապատասխանող իրավիճակ, ապատեղեկատուութիւն տարածելով, թէ իբր յուշահամալիրում որեւէ հիմնաւերանորոգման աշխատանքեր երբեւէ չի կատարուել եւ վստահօրէն հաւաստիացնում էր, թէ ամէն ինչ տեղի է ունենում ըստ սահմանուած նախագծի ու ճարտարապետ Սաշուր Քալաշեանի վերահսկողութեան ներքոյ:
Սաշուր Քալաշեանը վերջին իր հարցազրոյցում նշեց, որ աշխատանքներն իրականացուել են խայտառակ վատ ձեւով եւ որ շինարարական կազմակերպութիւնը յուշարձան վերանորոգելու փորձառութիւն չունի:
Իրավիճակը շատ վատ լինելու մասին անուղղակիօրէն խօսեց նաեւ Ժաննայ Անդրէասեանը՝ նշելով, որ նոր մասնագիտական խումբ ստեղծելու կարիք կայ:
Գտնուելով յուշահամալիրի անմիջական հարեւանութեամբ, Էդիտայ Գզոյեանը եւ Սուրէն Մանուկեանը, որպէս վերանորոգման աշխատանքների պատուիրատու կազմակերպութեան ներկայացուցիչներ, պարտաւոր էին ահազանգել ստեղծուած խայտառակ իրավիճակի մասին, բողոք յայտնէին շինարարական աշխատանքներում ներգրաւուած ոչ որակեալ աշխատուժի առկայութեան կապակցութեամբ, ինչպէս նաեւ անվտանգութեան կանոնները աշխատանքների իրականացման ընթացքում չպահպանելու եւ հարակից մասէրը յանցաւոր անփութութեան արդիւնքում վնասելու դէպքերի մասին:
Եթէ ժամանակին այս երկուսի կողմից սրտացաւ վերաբերմունք ցուցաբերուեր յուշահամալիրի հանդէպ ու բարձրաձայնուէր շատ ու շատ դրուագների մասին, ապա այսօր այսպիսի խայտառակ պատկեր չէինք ունենայ:
Կրկնում եմ մեղադրանքս. հանրային ելոյթներում եւ սոցիալական ցանցերում արուած գրառումներում Էդիտայ Գզոյեանը եւ Սուրէն Մանուկեանը գիտակցաբար հանրութիւնից թաքցրել են Հայոց ցեղասպանութեան յուշահամալիրում տիրող իրավիճակը, փորձել են հակադարձել բողոքի ձայն բարձրացրած հազարաւոր քաղաքացիներին, միաժամանակ փորձել են արդարացնել տեղի ունեցած վանդալիզմը՝ տիրող իրավիճակի մասին բարձրաձայնող քաղաքացիներին սին ու շինծու մեղադրանքներ հնչեցնելով, թէ իբր քննադատողները չէն ցանկանում, որ յուշահամալիրի եւ թանգարանի տարածքում հիմնաւերանորոգման աշխատանքներ տարուէն:
Հաշուի առնելով այսպիսի խայտառակ ու ապաշնորհ աշխատաոճի անթոյլատրելիութիւնը, ինչպէս նաեւ հանրութեան առաջ սեփական քայլերի ու խօսքի համար հաշուետու լինելու պարտադիր պայմանը, Էդիտայ Գզոյեանից եւ Սուրէն Մանուկեանից
ՊԱՀԱՆՋՈՒՄ ԵՄ
3 օրուայ ընթացքում տեսաձայնագրուած ուղերձի ու գրաւոր յայտարարութեան տեսքով հրապարակային ներողութիւն խնդրել՝ Հայաստանի Հանրապետութեան քաղաքացիներից ու սփիւռքահայերից, հանրութեանն ապակողմնորոշելու, յուշահամալիրին հասցուած վնասի չափերը կոծկելու ու յուշահամալիրի դէմ իրականացուած բարբարոսութիւնն արդարացնելու փորձերի համար:
Ներողութիւն չխնդրելու դէպքում քայլեր եմ ձեռնարկելու այս երկուսին դատական կարգով պատասխանատուութեան կանչելու եւ դատական կարգով ներողութիւն հայցելը պարտադրելու համար»:
