Արցախի Հանրապետութեան ԱԺ նախագահ Արթուր Թովմասեանն ԱԺ հերթական նիստի ժամանակ հանդէս է եկել յայտարարութեամբ՝ կոչ անելով նախագահ Արայիկ Յարութիւնեանին հրաժարականի դիմում ներկայացնել։ Յայտարարութեան մէջ ասուած է․
«Սիրելի´ հայրենակիցներ
Ուզում եմ դիմումով, կոչով, յորդորով, խնդրանքով դիմել Արցախի Հանրապետութեան նախագահ Արայիկ Յարութիւնեանին:
Դուք գիտեք, նաեւ վերջին հանրահաւաքի ժամանակ ասել եմ, որ մասնակցել եմ բոլոր այն հանրահաւաքներին, որոնց ինձ հրաւիրել են:
Պարոյ´ն նախագահ, ես երբեք չեմ խառնուել Ձեր գործերին, դուք էլ՝ Ազգային ժողովի: Ես մոդել եմ առաջարկել, որը հետեւեալն է՝ ոչ թէ ամորֆ մարմին եմ առաջարկել, այլ այն մարմինը, որը մէզ փրկել է 90-ականներին, այն է՝ պաշտպանութեան պետական կոմիտէն: Ես երկրի նախագահին առաջարկել եմ այդ կազմում երկու մարդու ընդգրկել՝ Ռուբէն Վարդանեանին եւ Սամուել Բաբայանին: Ես չգիտեմ նրանց կարծիքը, շատ հնարաւոր է, որ հրաժարուեն:
Ինչո՞ւ, հարցեր մի տուէք:
Պարոյ´ն նախագահ, եթէ այդ մոդելը չաշխատեց, հիմա կարող է առաջին անգամ որեւէ անձի ցաւ պատճառեմ:
Հրաժարականի դիմում ներկայացրեք, պարոյ´ն Նախագահ, կամ դրեք ձեր վստահութեան հանրաքուէն: Եթէ ժողովուրդը չի վստահում, որ ընտրուել եք, ապա կը հեռանաք: Սակայն դա չի նշանակում, որ ձեր հրաժարականի դէպքում Արթուր Թովմասեանը կը լինի երկրի նախագահի պաշտօնակատար: Եթէ ժողովուրդը ձեզ չվստահեց՝ ես էլ եմ հեռանալու»:
