ԱՄՆ նախագահի թեկնածուներ Ռոն Դեսանտիսը, Նիկի Հեյլին եւ Վիւեկ Ռամասուամին վճռականօրէն դատապարտել են Ադրբեջանի կողմից Լեռնային Ղարաբաղի բնիկ քրիստոնեայ հայերի էթնիկ զտումը։ Ինչպէս նշուած է Հայ դատի Ամերիկայի յանձնախմբի տարածած հաղորդագրութեան մէջ, նրանք այս յայտարարութիւնները արել են «The Family Leader» համաժողովի ժամանակ, որը վարել է համաժողովի նախագահ Բոբ Վանդեր Փլաթսը։
Նշելով, որ հայերն առաջին քրիստոնեայ ժողովուրդն են եւ վկայակոչելով Ադրբեջանի կողմից հայ քրիստոնեաների էթնիկ զտումները, Վանդեր Փլաթսը հարցրել է երեք թեկնածուներին, թէ ինչպե՞ս են նրանք ապահովելու, որ քրիստոնեութեան այս հիմ ամրոցը պահպանուի։
Ի պատասխան այդ հարցի Դեսանտիսը նշել է․ «Կարծում եմ, որ Միացեալ Նահանգները պէտք է կագնէն Հայաստանի քրիստոնեաների կողքին։ Կարծում եմ, որ դա վեհ գործ է»։
Նիկի Հեյլին իր պատասխանում ընդգծել է, որ այն, ինչ տեղի է ունեցել Ադրբեջանում, զաւեշտալի է․ «Մենք պէտք է յայտարարէնք Ադրբեջանին դրա մասին»։
Վիւեկ Ռամասուամին տուել է առաւել մանրամասն պատասխան։
« Աշխարհի ամենահին քրիստոնեայ ազգի համարուող 120 հազար հայերը ստիպուած են եղել լքել իրենց տները: Եւ դրա հիմքում աւելի կեղտոտ գաղտնիք կայ։ Մենք ՝ ԱՄՆ կառավարութիւնը, վճարում ենք դրա համար»,- ասել է Ռամասուամին։
Ռամասուամին քննադատել է նաեւ Բայդենի վարչակազմին՝ 907-րդ յօդուածի սահմանափակումները վերացնելու, Ադրբեջանին զինելու եւ հայերին էթնիկ զտումները հրահրելու համար:
