Լեմկինի ինստիտուտը կոչ է անում ՄԱԿ-ին պատշաճ առաքելութիւն ուղարկել Արցախի Հանրապետութիւն
Լեմկինի ինստիտուտը յայտարարութիւն է տարածել հոկտեմբերի 1-ին ԱրցախԻ Հանրապետութիւնում ՄԱԿ-ի առաքելութեան վերաբերեալ, որում ասւում է.
«Լեմկինի Ցեղասպանութեան կանխարգելման ինստիտուտը հիասթափուած է հոկտեմբերի 1-ին ՄԱԿ-ի առաքելութեան Արցախ (Լեռնային Ղարաբաղ) այցի արդիւնքներից, որը տեղի ունեցաւ այն բանից յետոյ, երբ Արցախի ողջ հայ բնակչութիւնն արդէն փախել էր Ադրբեջանի վերջին ներխուժումից յետոյ բռնի տեղահանման պատճառով։ Դժուար է հասկանալ, թէ որն էր նման առաքելութեան նպատակը եւ ինչու Ադրբեջանի կողմից ներխուժման հետեւանքով 9-ամսեայ շրջափակման ընթացքում Ադրբեջանի կողմից աւելի մեծ ճնշում երբեք չի եղել՝ թոյլ տալու առաքելութիւնը Արցախ:
Լեմկինի ինստիտուտը կոչ է անում ՄԱԿ-ին պատրաստել պատշաճ առաքելութիւն Արցախի Հանրապետութիւնում, որը կը ներառի հակամարտութիւնից չէզոք երկրների միջազգային թիմի անդամներին՝ տեղում ներկայ իրավիճակի մանրակրկիտ վերլուծութիւն իրականացնելու համար: Արցախում հայութեան իրաւունքները ապահովելու համար ՄԱԿ-ը պէտք է գործի պրոֆէսիոնալիզմով, անկողմնակալութեամբ եւ ՄԱԿ-ի կանոնադրութեան մէջ ներկայացուած արժէքներին նուիրուածութեամբ։
Եթէ ՄԱԿ-ը չի պատրաստւում լրջօրէն վերաբերուել ցեղասպանութեանը, ապա աւելի լաւ կը լինի ընդհանրապէս առաքելութիւններ չուղարկէն ցեղասպանութիւն վերապրած շրջաններ»:
Յայտարարութիւնն ամբողջական՝ այստեղ։
Աղբիւր` Panorama.am
