Արծուիկ Մինասեանն ընտրուեց Մրցակցութեան եւ սպառողների շահերի պաշտպանութեան յանձնաժողովի անդամ
Ազգային ժողովը նախկին պատգամաւոր, ՀՅԴ անդամ Արծուիկ Մինասեանին ընտրեց ՀՀ Մրցակցութեան եւ սպառողների շահերի պաշտպանութեան յանձնաժողովի անդամ։
Փակ, գաղտնի քուէարկութեանը մասնակցեց 100 պատգամաւոր, որոնցից 58-ը կողմ քուէարկեց Մինասեանի թեկնածութեանը, 42-ը՝ դէմ։
Այդ պաշտօնում նրա թեկնածութիւնն առաջադրել էին ընդդիմադիր «Հայաստան» եւ «Ուժեղ Հայաստան» խմբակցութիւնները։
Արծուիկ Մինասեանն իր ելոյթում յայտարարեց, որ դադարեցրել է անդամակցութիւնը ՀՅԴ-ին, քանի որ դա օրէնքի պահանջ է։
«Իմ էութեամբ, համոզումով եմ ես դաշնակցական։ Որեւէ պաշտօն չի կարող փոխել մարդու էութիւնը, բայց երբ կան Սահմանադրութեամբ եւ օրէնքով սահմանուած լիազօրութիւններ, որոնք դու պէտք է իրականացնես, պէտք է իրականացնես՝ անկախ քո կուսակցական պատկանելութիւնից»,– պատգամաւորների հարցումին պատասխանեց Մինասեանը։
