Մայիսի 28-ին՝ հայոց պետականութեան վերածննդի նուիրական օրը, ՀՅԴ հիմնադիր Սիմոն Զաւարեանի գերեզմանի մօտ տեղի ունեցաւ ՀՅԴ Արցախի երիտասարդական միութեան ընկերների երդման արարողութիւնը։
ՀՅԴ Արցախի կառոյցի շարքերի այս նոր համալրումը եւս մէկ անգամ փաստում է՝ մեր կամքն աննկուն է, իսկ գաղափարն ու պայքարն ունեն արժանի ու վճռական շարունակողներ։
Շնորհաւորում ենք մեր նորագիր ընկերներին եւ մաղթում անսասանութիւն՝ յանուն մեր ազգային նպատակների։
Մայիսի 10-ին տեղի է ունեցել ՀՅԴ Արցախի երիտասարդական միութեան պատգամաւորական ժողովը:
Ժողովի ընթացքում մանրակրկիտ քննարկուել է նախորդ 2 տարիների ընթացքում Միութեան կողմից իրականացուած աշխատանքներն ու առկայ մարտահրաւէրները՝ հաշուի առնելով ստեղծուած աշխարհաքաղաքական եւ ազգային բարդ իրավիճակը։
Ժողովը սահմանել է առաջիկայ երկամեայ գործունէութեան հիմնական ուղղութիւնները եւ ընտրել ՀՅԴ Արցախի երիտասարդական միութեան Կենտրոնական վարչութեան նոր կազմ:
ՀՅԴ Արցախի երիտասարդական միութիւն
10 մայիսի, 2026թ.
