ՀՀ երկրորդ նախագահ Ռոբերտ Քոչարեանի նկատմամբ որպէս խափանման միջոց կիրառուել է երկամսեայ կալանքը։ Այս մասին յայտնել է Հակակոռուպցիոն կոմիտէի մամուլի խօսնակ Մարինա Օհանջանեանը։
«Հաշուի առնելով հանրային հետաքրքրութիւնը՝ տեղեկացւում է, որ Հակակոռուպցիոն դատարանը (նախագահութեամբ դատաւոր Ս. Դադոյեանի) ամբողջութեամբ բաւարարել է քննիչի միջնորդութիւնը եւ Ռ. Ք.-ի նկատմամբ որպէս խափանման միջոց կիրառուել է կալանքը»,- յայտնել է նա։
Նշենք, որ Հակակոռուպցիոն դատարանը՝ նախագահութեամբ դատաւոր Սարգիս Դադոյեանի, երէկուանից քննում էր ՀՀ երկրորդ նախագահ Ռոբերտ Քոչարեանի նկատմամբ որպէս խափանման միջոց կալանքն ընտրելու մասին նախաքննական մարմնի ներկայացրած միջնորդութիւնը։ Գիշերը Ռոբերտ Քոչարեանը բժիշկների ցուցումով տեղափոխուել է հիւանդանոց, եւ քննութիւնը շարունակուել է առանց նրա։
