ՀԱՅՏԱՐԱՐՈՒԹԻՒՆ
Սիրելի երեւանցիներ,
ՀՅԴ Երեւանի Քաղաքային կոմիտէն իր մտահոգութիւնն է յայտնում Երեւանի քաղաքապետարանի շուրջ զարգացող իրադարձութիւնների վերաբերեալ (Երեւանի քաղաքապետի տեղակալներ, տարբեր այլպաշտօնեաներ, ովքեր յայտնւում են կոռուպցիոն բնոյթի սկանդալների կիզակէտում)։
Դրանք իրենց կենսագրութիւնն ու պաշտօնաւարումը սկսել են ներկայ իշխանութիւնների օրօք, իսկ իշխող քաղաքական ուժն արդէն յայտարարել է 2023 թուականին նախատեսուած Երեւան քաղաքի աւագանու ընտրութիւններում իր մասնակցութեան մասին, նոյնիսկ քաղաքապետի իր թեկնածուի անունն է բարձրաձայնել։
Յարգելով անմեղութեան կանխաւարկածը, կարեւոր ու կենսական պաշտօններում գայթակղութեանը չդիմացողների կադրային բանկով մօտեցող արկածախնդիրների վերարտադրուելու մոլուցքը պէտք է կասեցնել։
ՔՊ-ի կամակատար աւագանիներն այս ո՞ւմ ձեռքն են տուել մեր Երեւանն, ու ովքե՞ր են յաւակնում չքմեղանալով ու խաբեութեամբ արժանանալ մտածող, արժանապատիւ, իր քաղաքը սիրող երեւանցու վստահութեանը։
Երեւանը մենք ենք։
Երեւանը մեր տունն է։
Երեւանը ձեզ համար փորձադաշտ չէ։
Երեւանը եկել է հազարամեակների խորքից եւ գնալու է դէպի գալիք հազարամեակները։
ՀՅԴ Երեւանի քաղաքային կոմիտէ
13 մարտ, 2023թ.
