ՀՅԴ Բիւրոյի անդամ, ՀՀ ԱԺ «Հայաստան» խմբակցութեան պատգամաւոր Լիլիթ Գալստեանը դիմել է ՀՀ ԿԳՄՍ նախարարին՝ տեղեկատուութիւն ստանալու Հայոց ցեղասպանութեան զոհերի յուշահամալիրում եւ Հովհաննես Թումանեանի թանգարանում իրականացուող աշխատանքների վերաբերեալ.
« Պաշտօնական նամակով դիմել եմ ՀՀ ԿԳՄՍ նախարարին՝ ամբողջական տեղեկատուութիւն ստանալու ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀՈՒՇԱՀԱՄԱԼԻՐ-ում եւ ՀՈՎՀԱՆՆԵՍ ԹՈՒՄԱՆՅԱՆԻ ԹԱՆԳԱՐԱՆ-ում պետական ֆինանսաւորմամբ իրականացուող վերանորոգման աշխատանքների կազմակերպման եւ ընթացքի վերաբերեալ։
Երկու հաստատութիւնում էլ այս պահին աշխատանքները դադարեցուած են վերանորոգման ընթացքում բացայայտուած խայտառակ եւ անթոյլատրելի պատկերի պատճառով․․․
Հանրապետական նշանակութեան յուշարձան լինելու կողքին, այս երկու կառոյցներն էլ ողջ հայութեան համար նուիրական ու նշանային հասցէներ են․․․։
Մասնաւորապէս ակնկալում եմ ամբողջական տեղեկատուութիւն ստանալ հետեւեալ հարցերի առնչութեամբ։
1․ Ու՞մ կողմից եւ ինչպե՞ս է կազմակերպուել Յուշարձանների վերանորոգման եւ վերականգնման աշխատանքների իրականացման մրցոյթը։ Քանի՞ կազմակերպութիւն է մասնակցել մրցոյթին։
2․Ինչպե՞ս եւ ի՞նչ չափանիշներով է ընտրուել այն կազմակերպութիւնը, որը պէտք է վերանորոգման աշխատանքներ կատարեր։
3․Տվեալ մրցոյթում յաղթած կազմակերպութիւնը պատմամշակութային, այն էլ՝ հանրապետական նշանակութեան յուշարձան նորոգելու փորձ եւ համապատասպան կարողութիւններ ունի՞։
4․Ինչպե՞ս են կազմակերպուել վերանորոգման նախագծային աշխատանքները, արդյօք գնահատուել են ռիսկերը, իրականացուե՞լ է յուշարձանի պատշաճ ուսումնասիրութիւն՝ կապուած ընդգրկող մակերեսների, վերականգնման մեթոդների եւ նիւթերի ընտրութեան առնչութեամբ։
5․Իրականացուե՞լ է արդյօք շինարարութեան կազմակերպման նախագիծ՝ ներառելով բոլոր ուղղութիւնները։
6․Ինչո՞ւ ԿԳՄՍ նախարարութիւնը՝ որպէս պատուիրատու եւ Քաղաքաշինութեան կոմիտէն՝ որպէս տեսչական լիազօրութիւն ունեցող պետական լիազօր մարմին կամ՝ «Հայնախագիծը», չէն իրականացրել օրէնքով իրենց վերապահուած գործառոյթներ՝ գերատեսչական, հեղինակային եւ տեսչական հսկողութեան իրականացնելու հաստատուած նախագծի նկատմամբ եւ կանխելու յուշարձանի վնասումն ու խոշտանգումը։
7․ Իսկ, եթէ մայիսի 1-ից սկսուած վերականգնման աշխատանքների նկատմամբ տեսչական, վերահսկողական կամ հեղինակայնի աշխատանքներ կատարուել են, ապա տրամադրեք վեր հանուած խնդիրների առնչութեամբ արձանագրութիւնները։
8․ Այս պահին առեւեեւութ դադարեցուած նախագծի առնչութեամբ ի՞նչ մօտեցում է որդեգրել նախարարութիւնը եւ ի՞նչ հանգուցալուծում է տեսնում։
9․ Ի՞նչ պատասխանատուութիւն են կրելու իրենց լիազօրութիւններն ու պարտականութիւնները ձախողած պաշտօնատար անձինք»։
