Օրերս արցախցի երեխաները ՀՅԴ «Արամ Մանուկեան» երիտասարդական կենտրոնում հնարաւորութիւն ունեցան դիտելու Մարինէ Չարշաֆճեանի հեքիաթի հիման վրայ ստեղծուած «Մարալն ու հայրիկը Արցախում» ներկայացումը։ Այն ունէր կրթական եւ ճանաչողական մեծ նշանակութիւն։
Երեխաները ծանօթացան պատմական Արցախի շինութիւններին ու հերոսներին, ստացան արժէքաւոր գիտելիքներ։ Ներկայացումն արցախեան քաղցրածոր բարբառով էր, եւ այդ արցախեան շունչը մեծ ոգեւորութիւն պարգեւեց թէ՛ փոքրիկներին, թէ՛ մեծերին։ Երեխաները ծանօթացան հերոսական կերպարներին, Արցախի պատմական տարածքներին եւ, իհարկէ, դասէր քաղեցին ներկայացումից, որոնք նրանց ուղեկցելու են ամբողջ կեանքում։
Փօքրիկները հաճելի անակնկալի եկան, երբ ստացան «Մարալն ու հայրիկը Արցախում» հեքիաթի գիրքը եւ ուրախ տրամադրութեամբ հեռացան դահլիճից։
Նշէնք, որ Ծիլ տիկնիկային ստուդիան ծրագիրն իրականացրել է «Լորիկ» հիմնադրամի աջակցութեամբ։ «Մարալն ու հայրիկը Արցախում» ներկայացմամբ հանդէս են եկել նաեւ Մայր Աթոռ Սուրբ Էջմիածնի Գիւմրու Հաեորդաց տանը։
«Ապառաժ»
