Հանրապետութեան հրապարակում գլխաւոր տօնածառի լոյսէրը վառելու ընթացքում իրականացրած ճոխ հրավառութիւնը շատերի սրտով չէ։
Արցախցի Աննայ Օգանեզովան ֆեյսբուքեան իր էջում կարճ տեսանիւթ է հրապարակել , որն արուել է սեպտեմբերի 19-ին Արցախում.
««Հրավառութիւն». Երկար եմ մտածել այս վիդէոն հրապարակել, թէ ոչ…
Բայցեւայնպէս մեր բոլորիս Երեւանում տօնածառի վառուած լոյսէրն ու հրավառութիւնը համացանցում դիտելուց յետոյ չեմ յապաղել…
Մեր բաժին Արցախահայերիս «հրավառութիւնը»»։
Արցախցի լուսանկարիչ Դաւիթ Ղահրամանեանը մի սեւ ու սպիտակ կադր է հրապարակել միջոցառումից ու գրել. «Անամօթութեան, աներեսութեան, անթասիբութեան, անզգայութեան, անտարբերութեան հրավառութիւն»։
Արցախցի Աշոտ Գաբրիելեանը գրում է. «Էնպէս ա ստացուել, որ պատերազմից յետոյ տեղահանուած երեխաների հետ ենք շատ սերտ աշխատում:
Կարիքների գնահատումներից գիտե՞ք` ի՞նչ է պարզւում:
Մեր անմիջական ազդեցութեան գոտում գտնուող աշակերտների 80%-ից աւելին ունեն անսպասելի վախի զգացում, բարձր ձայների նկատմամբ զգայունութիւն, մղձաւանջներ, լաց եւ նման ուղեկցող տարբեր երեւոյթներ:
Մենք դէպք ունենք, երբ երեխան դպրոցական զանգից ա վախենում, դպրոց չի յաճախում:
Հասկանու՞մ եք: Դպրոցական զանգից: Դուք հրավառութիւնեք անում»։
Բլոգեր Տիգրան Քոչարեանը իր էջում հրապարակել է Հանրապետութեան հրապարակի հրավառութեան ու կործանուող Տիտանիկում երեկոյթի լուսանկարներն ու գրել.
«Ազգ-Տիտանիկ»։
Հասարակական-քաղաքական գործիչ Էդգար Ղազարեանը հրապարակել է Հանրապետութեան հրապարակի հրավառութեան լուսանկարն ու գրել.
«Եթէ Ռաֆայել Լեմկինը ողջ լինէր ու հետեւեր Հայաստանում այս ժամանակաշրջանի իրադարձութիւններին, ապա, հաւանաբար, «ցեղասպանութիւն» եզրոյթից բացի կը հեղինակեր նաեւ «ինքնացեղասպանութիւն» եզրոյթը»։
ԱԺ «Հայաստան» խմբակցութեան անդամ Էլինար Վարդանեանը գրել է.
«Երեւի ուրիշ ոչ մի երկրում հայրենիքի կորուստը էսքան վառ հրավառութեամբ չէն նշել:
Կամ միգուցէ մտածում են, որ ինչքան ուժեղ, շքեղ ու գունաւոր հրավառութիւն անէն, էդքան հեշտ ու լաւ կսփոփէն Արցախը կորցրածների կսկիծն ու դառնութիւն:
Մարդիկ կարօտով են յիշում Ստեփանակերտի ամենաղաշանգ տօնածառը»։
ԱԺ նախկին պատգամաւոր Նաիրայ Կարապետեանը գրել է.
«Աշխարհում եւ ոչ մի ազգ այսպէս տօնական չի կործանուել…»։
Տեր Եզնիկ քահանայ Մարդիրեանը գրել է.
«Կեցցէ մեր թշուառացած Հայրենիքը, կեցցէ կորսուած Արցախը, կեցցէ անազատութիւնը, կեցցէ պանդխտութիւնը, կեցցէ թշուառութիւնը քաջութեան տեղ ճաշակող ժողովուրդը…»։
Աղբիւր` Panorama.am
