ԱԺ փոխխօսնակ, «Հայաստան» խմբակցութեան պատգամաւոր Իշխան Սաղաթելեանն անդրադարձել է Արցախ կատարած այցի շրջանակում ունեցած հանդիպումներին.
«Սիրելի՛ հայրենակիցներ, «Դիմադրութիւն» շարժման ներկայացուցիչների հետ յունիսի 21-23-ին եղել եմ Արցախի Հանրապետութիւնում, որտեղ բազմաթիւ հանդիպումներ ենք ունեցել քաղաքական ուժերի, ԱՀ Ազգային ժողովի բոլոր խմբակցութիւնների, պետական կառոյցների ներկայացուցիչների եւ ԱՀ պաշտօնաթող նախագահների հետ:
Արցախում գտնուելու ընթացքում ԱՀ պատգամաւորների հետ այցելել ենք Ասկերանի, Մարտակերտի եւ Մարտունու շրջաններ, հանդիպել բնակիչների, ՏԻՄ ղեկավարների հետ: Հանդիպումների ընթացքում Արցախի մեր հայրենակիցներին եմ ներկայացրել Շարժման ընթացքը, կազմակերպական, քաղաքական առաջիկայ անելիքներն ու մարտահրաւէրները:
Շեշտուել է «Դիմադրութիւն» շարժման օջախների ձեւաւորման կարեւորութիւնը Արցախի Հանրապետութիւնում։
Վերահաստատուել է, որ Արցախի քաղաքական ուժերի եւ ժողովրդի համար ուղենիշ է մնում 2022 թուականի ապրիլի 14-ի՝ ԱՀ ԱԺ միաձայն ընդունած յայտարարութիւնը, որում ամրագրուել են Արցախի ապագայի շուրջ սկզբունքներն ու կարմիր գծերը:
Սիրելի՛ հայրենակիցներ, վստահ կարող ենք արձանագրել, որ արցախցին ամուր է եւ տէր է իր հայրենիքին»:
ԱՊԱՌԱԺ
