Երէկ Միացեալ Նահանգներում տեղի ունեցան Կոնգրեսի միջանկեալ ընտրութիւնները՝ ընտրելու Ներկայացուցիչների պալատի անդամներին եւ 100 տեղից բաղկացած Սենատի 35 անդամներին։ Ընտրութիւնները ներառում էին նաեւ Ֆլորիդայում եւ Օհայոյում յատուկ ընտրութիւններ՝ արտաքին գործերի նախարար Մարկօ Ռուբիոյի եւ փոխնախագահ Ջէյ Դի Վենսի նախկինում զբաղեցրած սենատական տեղերի համար։ Բացի այդ, 36 նահանգներում անցկացուեցին նահանգապետերի ընտրութիւններ։
Դեմոկրատները ձգտում են վերականգնել իրենց վերահսկողութիւնը Ներկայացուցիչների պալատի եւ Սենատի նկատմամբ։ Այս ընտրութիւնները որոշելու են, թէ Միացեալ Նահանգների նախագահ Դոնալդ Թրամփն իր պաշտօնավարման վերջին երկու տարիներին որքանով կը կարողանայ իրականացնել իր քաղաքական օրակարգը։
Դեմոկրատներին անհրաժեշտ է Սենատում իրենց տեղերի թիւն աւելացնել չորսով՝ 47-ից հասցնելով 51-ի, որպէսզի հանրապետականներից խլեն վերին պալատի մեծամասնութիւնը։
Հարցումները ցոյց են տալիս, որ դեմոկրատները Ներկայացուցիչների պալատում մեծամասնութիւն ապահովելու հնարաւորութիւն ունեն, սակայն Սենատի համար պայքարի ելքը դեռ որոշուած չէ։ Ընտրապայքարը յատկապէս սուր է Տեխաս եւ Կանզաս նահանգներում։
Միացեալ Նահանգների փոխնախագահ Ջէյ Դի Վենսը յայտարարել է, որ ամերիկացիները պէտք է ծայրայեղ ձախերին յստակ ուղերձ յղեն՝ «մենք մերժում ենք ձեր քաղաքականութիւնը»։
Կոնգրեսի ընտրութիւններում վաղաժամ քուէարկութեան ցուցանիշը հասել է 58,7 տոկոսի, ինչը շուրջ 28 տոկոսով բարձր է 2022 թուականի ցուցանիշից։
