Գործարար Սամուել Կարապետեանի ընտանիքի կողմից ձեւաւորուած «Մեր ձեւով» ժողովրդական շարժման անդամները գրանցել են «Ուժեղ Հայաստան» անուամբ կուսակցութիւն:
«Սամուել Կարապետեանի գլխաւորած «Մեր ձեւով» ժողովրդական շարժումը Հայաստանում իրական ու որակական փոփոխութիւններ իրականացնելու օրակարգ ունի: Այդ փոփոխութիւններին հնարաւոր է հասնել քաղաքական յայտի եւ քաղաքական ակտիւ գործընթացներում ներգրաւուելու միջոցով»,- ասել է «Մեր ձեւով» շարժման մամուլի խօսնակ Մարիաննայ Ղահրամանեանը:
Նրա խօսքով՝ Սամուել Կարապետեանի գլխաւորած ուժի կազմակերպական աշխատանքներն աւարտական փուլում են, առաջիկայում քաղաքական ուժը հանդէս կը գայ յստակ օրակարգով եւ կը ներկայացնի Հայաստանի զարգացման իր տեսլականը:
