Ապրիլի 5-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Արցախի թեմի թեմական խորհրդի անդամներին՝ ուղեկցութեամբ թեմակալ առաջնորդ Գերաշնորհ Տ․ Վրթանես եպիսկոպոս Աբրահամեանի:
Հանդիպմանը քննարկուեցին Արցախի ժողովրդի իրաւունքների պաշտպանութեան, նրանց սոցիալական կացութեան եւ բարոյահոգեբանական վիճակին առնչուած հարցեր։ Անդրադարձ կատարուեց նաեւ Եկեղեցու կողմից իրականացուող աջակցութեան ծրագրերին։
Հայոց Հայրապետը յորդորեց թեմակալ առաջնորդին եւ թեմական խորհրդի անդամներին, որպէսզի շարունակէն Մայր Աթոռի համապատասխան կառոյցների եւ սփիւռքի թեմերի հետ համագործակցաբար հնարաւոր բոլոր միջոցները գործադրել միջազգային ու միջեկեղեցական կառոյցների առջեւ բարձրաձայնելու Արցախի ժողովրդի իրաւունքների ապահովման, Արցախի հոգեւոր-մշակութային ժառանգութեան պահպանութեան հիմնախնդիրները։
Անհրաժեշտ նկատելով թեմական կառոյցների պահպանութիւնը՝ Նորին Սրբութիւնը կարեւորեց նաեւ արցախահայերի համախմբման, ոգու զօրացման եւ ծառացած մարտահրաւէրների յաղթայարման ուղղութեամբ իրականացուող ծրագրերի շարունակականութիւնը:
