Փորձառու դպրոցական խորհրդի անդամ Գրեգ Գրիգորեանը վերականգնելու է անվտանգութիւնը և կայունութիւնը Գլենդելի Միաւորուած Դպրոցների Կրթաշրջանում:
Գլենտէյլ, Քալիֆորնիա
Մամլոյ Հաղորդագրութիւն
Գրեգ Գրիգորեանը առաջին անգամ ընտրուել է Գլենդելի Միաւորուած Դպրոցների Կրթաշրջանի (Glendale Unified School District) Կրթական Խորհրդի կազմում 2001 թուականին եւ հպարտօրէն ծառայել է աւելի քան 22 տարի՝ ունենալով ամենաերկար պաշտօնավարումը GUSD-ի պատմութեան մէջ։
2022 թուականի յուլիսին նա որոշեց չառաջադրել իր թեկնածութիւնը վերաընտրութեան համար։ Այդ ժամանակից ի վեր նա ականատես է եղել, թէ ինչպէս դպրոցական խորհուրդը շեղուել է իր հիմնական պարտականութիւններից՝ աշակերտների անվտանգութիւնից եւ ֆինանսական կայունութիւնից։
Միայն անցեալ ամսուայ ընթացքում համայնքը ապրեց իւրաքանչիւր ծնողի ամենասարսափելի մղձաւանջը, երբ GUSD-ի յատուկ կրթութեան օգնականներից մէկը մեղադրուեց անչափահասի նկատմամբ սեռական բռնութեան համար Glenoaks Elementary School-ում, եւ նաեւ աշխատել էր Columbus Elementary School-ում (ինչպէս հաղորդել է CBS Los Angeles-ը 2026 թուականի փետրուար 5-ին)։
Որպէս հինգ զաւակների հայր եւ չորս թոռների պապիկ՝ աշակերտների անվտանգութիւնը նրա համար խորապէս անձնական է։ Դպրոցները պէտք է լինեն անվտանգ — վերջակէտ։ Խոր մտահոգիչ է, որ խորհրդի որոշ անդամներ աւելի շատ զբաղուած են կուսակցական քաղաքականութեամբ, քան համագործակցութեամբ Glendale Police Department-ի հետ եւ դպրոցներում Դպրոցական Ռեսուրս Ոստիկանների պահպանմամբ։
2022 թուականին հինգ անդամներից չորսը հայ ծագում ունէին։ 2026 թուականի յունիսին հնարաւոր է, որ այլեւս հայ-ամերիկեան ներկայացուցիչ չլինի Գլենտէյլի Դպրոցական Խորհրդում — այն պարագայում, երբ հայերը կազմում են շրջանի աշակերտների եւ աշխատակիցների աւելի քան 40 տոկոսը։
Այդ իսկ պատճառով Գրեգ Գրիգորեանը յայտարարում է իր թեկնածութիւնը Գլենտէյլի Դպրոցական Խորհրդի Շրջան Բ-ի համար՝ յունիս 2-ի նախնական ընտրութիւններում։ Համայնքը պէտք է միաւորուի՝ ապահովելու համար հզօր առաջնորդութիւն եւ յստակ ձայն ընտանիքների համար։
Որպէս Գլենտէյլի 36-ամեայ բնակիչ, փոքր գործարար, GUSD-ի հինգ շրջանաւարտների հայր եւ չորս թոռների պապիկ՝ կրթութիւնը միշտ կենտրոնական տեղ է զբաղեցրել նրա կեանքում։ Նա երկրորդ սերնդի հայ-ամերիկացի է․ իր չորս մեծ ծնողները վերապրել են 1915 թուականի Հայոց Ցեղասպանութիւնը եւ որբերի կարգավիճակով եկել են Ամերիկա։
Խորհրդում իր 22 տարիների ծառայութեան ընթացքում առաջնահերթութիւն են եղել անվտանգութիւնը, ակադեմական գերազանցութիւնը եւ ֆինանսական պատասխանատուութիւնը՝ ծառայելով աւելի քան 27,000 աշակերտների եւ 2,800 աշխատակիցների։ Աւելի քան 800 միլիոն տոլարի ներդրում է իրականացուել արդիական դասարանների, տեխնոլոգիական միջոցների, մարզական կառոյցների եւ դպրոցական բարելաւումների համար՝ Դրամահաւաքային Քուէարկութիւններ K եւ S-ի միջոցով։
Նա նպաստել է Միացեալ Նահանգներում հանրային դպրոցների առաջին Հայկական Ժառանգութեան Երկլեզու Ընկղմման ծրագրերի ստեղծմանը՝ Jefferson Elementary School եւ R. D. White Elementary School դպրոցներում, եւ ընդլայնել է հայերէնի դասընթացքները GUSD-ի բոլոր աւագ դպրոցներում։ Խորհուրդը նաեւ ճանաչել է Հայկական Սուրբ Ծնունդը եւ Ապրիլ 24-ը՝ դպրոցները փակելով, եւ աջակցել է աշակերտների կողմից կազմակերպուող Հայոց Ցեղասպանութեան ամենամեայ ոգեկոչումներին եւ առաջնորդական նախաձեռնութիւններին, որոնք խթանում են քաղաքացիական հպարտութիւնն ու միասնութիւնը։
Այժմ նա առաջադրում է իր թեկնածութիւնը՝ վերականգնելու կայունութիւնը, վերահաստատելու վստահութիւնը եւ կրկին կենտրոնացնելու շրջանը այն առաջնահերթութիւնների վրայ, որոնք ամենակարեւորն են՝ անվտանգ դպրոցներ եւ ամուր ակադեմական հիմքեր։
Ժամանակն է վերականգնելու վստահութիւնը մեր դպրոցների նկատմամբ։
Ժամանակն է վերադառնալու այբուբենի հիմքերին։
Միացէ՛ք քարոզարշաւին յունիս 2-ին։ Քուէարկեցէ՛ք Գրեգ Գրիգորեանի օգտին՝ Դպրոցական Խորհրդի Շրջան Բ-ի համար։
