azg.am կայքի համաձայն Հանրային տրիբունալը մեղադրանք առաջադրել Նիկոլ Փաշինեանի նկատմամբ:
Նիկոլ Փաշինեանի մեղքի ապացոյցները պետական դաւաճանութեան եւ սահմանադրական կարգը տապալելու մէջ`
ՀՀ ՔՕ 418-րդ յօդուած – Պետական դաւաճանութիւն
«Պետական դաւաճանութիւնը՝ թշնամու կողմն անցնելը, լրտեսութիւնը, օտարերկրեայ պետութեանը, օտարերկրեայ կամ միջազգային կազմակերպութեանը կամ դրա ներկայացուցչին պետական գաղտնիք պարունակող տեղեկութիւն յանձնելը կամ այդ տեղեկութեանը նշուած անձանց ծանօթանալու համար պայման ստեղծելը կամ թշնամական գործունէութիւն իրականացնելու համար այլ օգնութիւն ցոյց տալը, որը կատարել է Հայաստանի Հանրապետութեան քաղաքացին՝ ի վնաս Հայաստանի Հանրապետութեան ինքնիշխանութեան, տարածքային անձեռնմխելիութեան կամ արտաքին անվտանգութեան՝ պատժւում է ազատազրկմամբ՝ տասնհինգից քսան տարի ժամկէտով, կամ ցմահ ազատազրկմամբ:»
Հայաստանի Հանրային տրիբունալը վարչապետ Նիկոլ Փաշինեանին մեղադրում է պետական դաւաճանութեան մէջ՝ հետեւեալ հիմքերով.
Արտաքին քաղաքականութիւնում Նիկոլ Փաշինեանի միտումնաւոր գործողութիւնները յանգեցրին Լեռնային Ղարաբաղում 44-օրեայ պատերազմի: 2ՀՀ վարչապետի անկեղծ խոստովանութիւնները մանրամասն ներկայացուած է «Սադրանքներից մինչեւ աղէտներ. Նիկոլ Փաշինեանի դաւաճանութեան յետահայեաց տեսաժամանակագրութիւնը» մեր յօդուածում։
Նիկոլ Փաշինեանն անտեսեց ՀԱՊԿ-ի նախազգուշացումը մօտալուտ պատերազմի եւ դրա բնոյթի մասին, ինչպէս նաեւ դաշնակիցներից կանխարգելիչ օգնութիւն խնդրելու առաջարկը:
Նիկոլ Փաշինեանի բազմաթիւ հրապարակային ելոյթները, հարցազրոյցները եւ սոցիալական ցանցերում գրառումները պարունակում էին ռազմական կամ պետական գաղտնիքներ։
Նիկոլ Փաշինեանը խոստովանեց, որ կարող էր ընդհանրապէս խուսափել պատերազմից՝ ընդունելով միջնորդների առաջարկները։ Սակայն, պատերազմից առաջ Փաշինեանը ստում էր՝ 2020 թ. մայիսի 6-ին Ազգային ժողովի ամբիոնից յայտարարելով, որ բանակցութիւնների սեղանին փոխզիջումների վերաբերեալ առաջարկներ չկան։
2022 թ. հոկտեմբերի 6-ին Արցախն Ադրբեջանի մաս ճանաչելով՝ Նիկոլ Փաշինեանն Արցախի վերջնական բռնակցման եւ հայ բնակչութեան էթնիկ զտման լեգիտիմ հիմք տուեց Իլհամ Ալիեւին։
Նիկոլ Փաշինեանի գործողութիւնները, որոնք յանգեցրին 44-օրեայ պատերազմում պարտութեան, 2020 թ. նոյեմբերի 9-ից յետոյ Ադրբեջանին միակողմանի զիջումները, այդ թւում՝ Արցախի վերջնական յանձնումն Ադրբեջանին, լուրջ վնաս հասցրեցին Հայաստանի Հանրապետութեան ազգային անվտանգութեանը։
Հ ՔՕ 420-րդ յօդուած. Սահմանադրական կարգի տապալում
«Սահմանադրական կարգը տապալելըՍահմանադրութեան 1-ին, 2-րդ, 3-րդ կամ 4-րդ յօդուածով կամ 5-րդ կամ 6-րդ յօդուածի 1-ին մասով կամ 7-րդ յօդուածով նախատեսուած նորմի գործողութիւնը փաստացի դադարեցնելըպատժւում է ազատազրկմամբ` տասից տասնհինգ տարի ժամկէտով»:
Հայաստանի իշխանութիւնների կողմից դատական իշխանութեան անկախութեան խախտմանն ուղղուած գործողութիւնների ապացոյցներից է ՀՔԾ պետ Սասուն Խաչատրեանի եւ վարչապետ Նիկոլ Փաշինեանի հետ Արթուր Վանեցեանի գաղտնալսուած հեռախօսազրոյցների ձայնագրութիւնները (ԱԱԾ տնօրէնը պատմում է, թէ ինչպէս է ճնշում գործադրել դատաւորի վրայ ձերբակալման որոշում կայացնելու համար):
Հանրային տրիբունալ
