Մինչ հանրութեան ուշադրութիւնը կենտրոնացած է Արցախի եւ Հայաստանի շուրջ ստեղծուած անվտանգային ծանրագոյն վիճակի վրայ, իշխանութիւններն, օգտուելով այդ հանգամանքից, արձանագրեցին ժողովրդաւարութեան հերթական ակնյայտ նահանջը:
Անցնող շաբաթուայ ընթացքում սահմանադրական անկախ մարմինների ղեկավար պաշտօններում ընտրուել են օրուայ իշխանութիւնների հետ ուղղակի փոխկապակցուած անձինք` Կենտրոնական ընտրական յանձնաժողւում եւ Բարձրագոյն դատական խորհրդում:
Ժողովրդաւարութեան սկզբունքի յստակ պահանջներից է բխում, որ նման կառոյցները պէտք է համալրուէն իրապէս անկախ, արհեստաւարժ ու քաղաքականապէս չէզոք թեկնածուներով: Չնայած այս պահանջներին՝ մէկ քաղաքական միաւոր առաջադրեց ու ընտրեց հէնց նոյն քաղաքական միաւորի անդամների` ձեւական ընթացակարգով, նախքան ընտրութիւնն էլ ապահովելով անկուսակցականի կարգավիճակը:
Յատկանշական է, որ ԿԸՀ նախագահ է ընտրուել այն անձը, ով օրուայ իշխանութիւնների ներկայացուցիչ է հանդէս եկել 2021 թուականի արտահերթ ընտրութիւններում ԿԸՀ-ում եւ կուսակցութեան ակտիւ անդամ է եղել, ինչը ԿԸՀ նախագահի պաշտօնի դէպքում աննախադէպ է:
Միաժամանակ ԲԴԽ նախագահը մի քանի ամիս առաջ ընտրուել էր իշխող կուսակցութեան ղեկավար պաշտօններից մէկում: Նման քաղաքականութեան իրացման նպատակն ակնյայտ է. անկախ սահմանադրական մարմինները ծառայեցնել մէկ քաղաքական միաւորի շահերին եւ ամբողջութեամբ խաթարել անկախութեան երաշխիքները:
Խիստ անհանգստացնող է, որ ժողովրդաւարութեան այսպիսի նահանջի փաստէրին որեւէ կերպ չէն արձագանքել միջազգային կառոյցները, որոնք հանդէս էին գալիս ժողովրդավարական արժէքների պաշտպանութեամբ մեր երկրում:
«Հայաստան» խմբակցութիւն
10.10.2022թ.
