Amnesty International իրաւապաշտպան կազմակերպութեան Արեւելեան Եւրոպայի եւ Կենտրոնական Ասիայի տնօրէն Մարի Սթրաթերսը Ռուբէն Վարդանեանի 20 տարուայ ազատազրկման դատաւճիռն անուանել է «ֆարսի (զաւեշտախաղի)գագաթնակէտ»։
«Ռուբէն Վարդանեանի եւ միւս մեղադրեալների գործի քննութիւնը ռազմական դատարանի կողմից ինքնին լուրջ անհանգստութիւն է յարուցում եւ անհամատեղելի է արդար դատաքննութեան երաշխիքների հետ։ Թեեւ Լեռնային Ղարաբաղի շուրջ տեւական հակամարտութեան զոհերը՝ ինչպէս Հայաստանում, այնպէս էլ Ադրբեջանում, արժանի են ճշմարտութեան, արդարութեան եւ վնասի հատուցման, այս դատաւճիռները վիրաւորանք են յանցագործութիւնների բոլոր զոհերի համար։
Ռուբէն Վարդանեանին եւ միւս մեղադրեալներին, որոնց վերագրւում էր ծայրահեղ ծանր յանցագործութիւնների մի ամբողջ շարք, փաստացի դատել են փակ նիստում։
Նոյնիսկ մեղադրանքները (միայն Վարդանեանի նկատմամբ աւելի քան 40-ը), ներառեալ «ահաբեկչութիւնը» եւ «մարդկութեան դէմ յանցագործութիւնները», դատաքննութեան ընթացքում իսկապէս հրապարակային չդարձան։
Amnesty International-ը ադրբեջանական իշխանութիւններին հարցում էր յղել դատական գործընթացի եւ ապացոյցների վերաբերեալ, սակայն պատասխան չէր ստացել։ Ադրբեջանը պարտաւոր է կատարել մարդու իրաւունքների միջազգային իրաւունքով ստանձնած պարտաւորութիւնները եւ ապահովել, որ յանցագործութիւնների մէջ մեղադրուող բոլոր անձինք դատուէն՝ միջազգային իրաւունքի նորմերին եւ արդար դատաքննութեան ստանդարտներին համապատասխան», — ասել Մարի Սթրաթերսը։
