Չեմ վերցնելու աւագանու մանդատը
Արտաշատում ՏԻՄ ընտրութիւններում ՀՅԴ ցուցակը գլխաւորող Գերասիմ Վարդանեանը ֆէյսբուքեան իր էջում գրել է․
Սիրելի՛ հայրենակիցներ, տեղեկացնում եմ, որ չեմ վերցնելու Արտաշատ խոշորացուած համայնքի աւագանու մանդատը։
Միեւնոյն ժամանակ յայտնում եմ, որ իմ՝ աւագանու կազմում չլինելն առաջիկայ քաղաքական գործընթացներին իմ առաւել արդիւնաւէտ ներգրաւուածութեան ու մասնակցութեան մարտավարական նպատակ ունի։
Տեղեկացնում եմ նաեւ, որ որպէս Արտաշատ համայնքում գործող գլխաւոր ընդդիմադիր ուժ՝ ՀՅԴ աւագանու խմբակցութիւնը ներկայացուած է լինելու Արտաշատ խոշորացուած համայնքի աւագանիում՝ շարունակելով իր ընդդիմադիր պայքարը եւ ակտիւ մասնակցութիւն ունենալով աւագանու աշխատանքներին։
ՀՅԴ աւագանու կազմը ներկայացնելու են՝
Արտաւազդ Մարգարեան
Անի Ազատեան
Արտակ Թադեւոսեան
Հերմինէ Իսրայելովնա
Եւս մէկ անգամ շնորհակալ եմ բոլոր նրանց, ովքեր հաւատացել են մեզ, աջակցել եւ իրենց ձայնը տուել մեր ուժին։
Ձեր վստահութիւնը գնահատում եմ եւ վստահեցնում, որ ՀՅԴ խմբակցութիւնը ներկայացնելու եւ զբաղուելու է ոչ միայն իրենց վստահութեան քուէն մեզ տուած երեք հազար մեր հայրենակիցների, այլեւ համայնքի՝ այլ քաղաքական հայեացքներ ունեցող բնակիչների համայնքային հարցերով ու խնդիրներով։
Հայ Յեղափոխական Դաշնակցութեան աւագանու անդամներին շնորհաւորում եմ աշխատանքային պարտականութիւնները ստանձնելու կապակցութեամբ եւ մաղթում յաջողութիւն իրենց աշխատանքներում։
