«Հայաստան» խմբակցութեան ղեկավարն ու քարտուղարը ԱԺ-ում հիւրընկալել են IODA-ի ներկայացուցիչներին
ՀՀ ԱԺ «Հայաստան» խմբակցութեան ղեկավար Աննա Գրիգորեանն ու քարտուղար Արթուր Խաչատրեանը Ազգային ժողովում հիւրընկալել են «Հայաստանում Ժողովրդավարութեան միջազգային դիտարանի» (IODA) անկախ փաստահաւաք առաքելութեան անդամների ներկայացուցիչներին։
Հանդիպման ընթացքում ներկայացուել են Հայաստանում քաղաքական հետապնդումների, մարդու իրաւունքների, ինչպէս նաեւ ժողովրդավարական ինստիտուտների հետեւողական քայքայման վերաբերեալ կոնկրետ փաստեր։
Առանձին անդրադարձ է կատարուել կալանքի՝ որպէս խափանման միջոցի չարաշահմանը եւ այն քաղաքական հակառակորդների նկատմամբ որպէս պատժի գործիք կիրառելու դէպքերին։
