Յունուարի 1-ից կառավարութեան որոշմամբ կը փակուի «Շողակաթ» հեռուստաալիքը
Դեռեւս 2011-ին ստեղծուած այս ընկերութիւնը, որի կառավարումը վերապահուած էր Հանրային հեռուստառադիօընկերութեան խորհրդին, իրականացնում էր հոգեւոր եւ մշակութային բովանդակութեան արտադրութիւն ու հեռարձակում։
Կառաւարութեան որոշման հիմնաւորման մէջ նշուած է, որ գործընթացի նպատակն է վերանայել եւ պարզեցնել պետական մասնակցութեամբ ընկերութիւնների կառուցուածքը՝ բարձրացնելով կառավարման արդիւնաւետութիւնը։
Կառավարութիւնը «Շողակաթ» հեռուստաալիքը փակելու որոշումը կայացրել է իշխանութեան հակաեկեղեցի գործընթացների ֆոնին։ Շողակաթ ալիքը տարիներ ծառայել է հայ հասարակութեան և յատկապէս մանուկների ազգային և կրօնական դաստիարակութեւնը:
«Շողակաթ» տեսալսողական ծրագիրը հեռարձակւում է Հոգեւոր-մշակութային հանրային հեռուստաընկերութեամբ, օրական 24 ժամ, հանրապետական սփռմամբ։
«Շողակաթ» հեռուստածրագրի բովանդակութիւնը ներառում է կրթական, մշակութային, հոգեւոր, տեղեկատուական հաղորդումներ:
Հեռուստընկերութեան կենսագործունէութեան համար անհրաժեշտ միջոցներն անհատոյց տրամադրում է Մայր Աթոռ Ս. Էջմիածինը։
Իրաւապաշտպան, փաստաբան Ռուբէն Մելիքեանը այս մասին գրում է.
««Շողակաթ» հեռուստաընկերութիւնը փակելու՝ գլոբալիստների լոբբինգը սկսել է դեռ 2018 թուականի դեկտեմբերին։ Այդ ժամանակ նրանք հրապարակել են «Հայաստանի Հանրապետութեան վերականգնմանն ուղղուած անհրաժեշտ բարեփոխումների հայեցակարգ (ճանապարհային քարտէզ)» կոչուող փաստաթուղթը, որում սեւով սպիտակի վրայ գրուած է «Շողակաթը» փակելու առաջարկը։ Օկուպացիոն ռեժիմի «կառավարութիւնն» այդ առաջարկն ի կատար ածեց այսօր՝ 6 տարի անց։
Այսպիսով, «Շողակաթ»-ի փակումը Իոաննիսեանի, Սաքունցի, Լեւոն Բարսեղեանի ու Սորոսի հիմնադրամի հին մտայղացումն է։ Այն Հայաստանը «վերականգնելու» անուան տակ «ապա-հայկականացնելու» ֆունդամենտալ ծրագրի մաս է։ Յոյսով եմ՝ ազգային եւ պահպանողական ուժերը, գալով իշխանութեան, շատ արագ կը վերականգնէն «Շողակաթ»-ը՝ Հայաստանը «վերա-հայկականացնելու» ծրագրի շրջանակներում»։
