Մոսկուայում Հայաստանի դեսպանատան մօտ տասնեակ մարդիկ բողոքի ցոյց են անցկացրել Նիկոլ Փաշինեանի գործողութիւնների դէմ։ Դա տեղի է ունեցել այն բանից յետոյ, երբ հանրապետութեան իշխանութիւնները մեղաւոր են ճանաչել արքեպիսկոպոս Միքայել Աջապահեանին՝ իշխանութիւնը զաւթելու կոչեր անելու համար։
Հաւաքուածները ձեռքներին պահել էին «Եկեղեցին հոգի է, այլ ոչ թէ ընդդիմութիւն», «Ձեռքերը հեռու սրբութիւնից» եւ այլ գրութեամբ պաստառներ։ Նրանց մի մասը Հայաստանի դրօշներով է եղել։ Ցուցարարները Հայաստանի իշխանութիւններից պահանջել են ազատ արձակել Աջապահեանին։
Հայաստանի դատարանը երէկ արքեպիսկոպոս Միքայել Աջապահեանին մեղաւոր է ճանաչել իշխանութիւնը զաւթելու կոչեր անելու մէջ։ Նա այժմ կալանքի տակ է։ Նրան սպառնում է մինչեւ 5 տարուայ ազատազրկում։ Մինչ այդ Փաշինեանը հրապարակայնօրէն մեղադրել էր Ամենայն հայոց կաթողիկոս Գարեգին Երկրորդին իր ուխտը խախտելու մէջ եւ պահանջել նրա հրաժարականը։
