Նախաձեռնութեամբ Հ. Մ. «Արարատ» կազմակերպութեան Մարզական միութեան, Իրանի 54-րդ Համահայկական խաղերի բացման հանդիսութիւնը տեղի ունեցաւ հինգշաբթի, սեպտեմբերի 7-ի, երեկոյեան՝ «Արարատ» մարզաւանում:
Թեհրան, ՀՄԱԿի «Արարատ» Մարզաւան
Բացման հանդիսութիւնը զուգորդւած էր գեղարւեստական միջոցառումներով եւ ելոյթներով: Օրւայ ջահակիրն էր Իրանի աղջկանց բասկետբոլի հաւաքականի աւագ Թինա Իսայեանը, ում ձեռքով բոցավառւեց խաղերը խորհրդանշող ջահը: Այս տարւայ խաղերին մասնակցել են աւելի քան 300 մարզիկ-մարզուհիներ եւ Իրանի հայաշատ քաղաքներից բացի, իրենց մասնակցութիւնն են բերել Հայաստանի Սիւնիքի մարզի մարզիկները:
Օրւայ առիթով ներկաներին խօսք փոխանցեց Հ.Մ.Ա.Կ.-ի Կենտրոնական վարչութեան նախագահ Սոֆի Ջաղարբէգեանը:
«ԱԼԻՔ», Կ. Դ.
Լուսանկարները՝ ՀԱՏԻՍԻ
