Սեպտեմբերի 2-ին ՀՅԴ Հայաստանի Գերագոյն մարմնի նախաձեռնութեամբ Երեւանում տեղի կ’ունենայ «Արցախ․ չկարգաւորուած հակամարտութիւն, վերադարձի իրաւունք» խորագրով միջազգային խորհրդաժողովը։
Այն կանդրադառնայ ուժի եւ ուժի սպառնալիքի կիրառման միջոցով հակամարտութիւնները լուծելու անթոյլատրելիութեանը, Արցախի հարցի չլուծուած մնալուն, արցախահայութեան` հայրենիք վերադառնալու իրաւունքի իրացման անհրաժեշտութեանը, ինչպէս նաեւ տարածաշրջանում արդար եւ կայուն խաղաղութեան հաստատման հեռանկարներին։
Միջոցառման ընթացքում կքննարկուեն հետեւեալ առանցքային հարցերը․
- Ղարաբաղեան հակամարտութեան ներկայ հանգրուանը եւ ընթացող գործընթացների վտանգաւոր միտումները,
- միջազգային հանրութեան պատասխանատուութիւնը եւ արդար ու կայուն խաղաղութեան անհրաժեշտութիւնը,
- անցեալի փորձի կիրառումը ներկայիս մարտահրաւէրների յաղթայարման գործում,
- արցախահայութեան շահերի պաշտպանութիւնը եւ վերադարձի իրաւունքի իրացումը որպէս կայուն խաղաղութեան նախապայման,
- մշակութային ժառանգութեան պահպանման հրատապութիւնը Ադրբեջանի կողմից ոչնչացման եւ իւրացման քաղաքականութեան պայմաններում,
- գերիների վերադարձի եւ հումանիտար հարցերի հրատապ լուծումը որպէս փոխվստահութեան մթնոլորտի ձեւաւորման հիմք։
Զեկոյցներով հանդէս կը գան քաղաքական, գիտական եւ փորձագիտական շրջանակների ներկայացուցիչներ Կիպրոսից, Ֆրանսիայից, Գերմանիայից, Ռուսաստանի Դաշնութիւնից, Իրանից, Արցախից եւ Հայաստանի Հանրապետութիւնից։
Խորհրդաժողովը նպատակ ունի ձեւաւորել միջազգային եւ ներազգային համախմբում՝ Արցախի հարցի արդար լուծման, արցախահայութեան հայրենիք վերադառնալու իրաւունքի իրացման եւ տարածաշրջանում երկարատեւ ու կայուն խաղաղութեան ապահովման համար։
