«Հայաստան» դաշինքը փաստահաւաք գործունէութիւն է սկսում ընտրական հարկադրանքի դէպքերով
Տեղեկութիւններ են ստացուել, որ պետական եւ ՏԻՄ մարմինների աշխատակիցներին հարկադրում են յունիսի 7-ի ընտրութիւններում քուէարկել իշխող կուսակցութեան օգտին՝ աշխատանքից ազատելու սպառնալիքով։
Այդ գործընթացն առաւել արդիւնաւետ կազմակերպելու եւ վերահսկողութեան տպաւորութիւն ստեղծելու նպատակով կազմւում են աշխատակիցների ցուցակներ։
«Հայաստան» դաշինքը նմանատիպ յանցագործութիւնների բացայայտման եւ կանխարգելման նպատակով իրականացնում է փաստահաւաք գործունէութիւն։
Հաշուի առնելով իրաւական գործընթացներում արձանագրուող կողմնապահութիւնը՝ ահազանգող անձանց խնդրում ենք, հնարաւորութեան դէպքում, հաւաքել իրաւախախտման վերաբերեալ ապացոյցներ՝ սպառնալիքներ հնչեցնող անձանց ինքնութիւնը բացայայտող տուեալներ, ինչպէս նաեւ տեսաձայնագրող սարքերով արձանագրուած տեղեկութիւններ։
Ընդգծում ենք, որ պաշտօնեական լիազօրութիւններով պայմանաւորուած ազդեցութիւնն օգտագործելով՝ ընտրելուն հարկադրելը յանցագործութիւն է, որի համար նախատեսուած է պատիժ՝ չորսից ութ տարի ժամկէտով ազատազրկում։ Կոչ ենք անում պաշտօնատար անձանց զերծ մնալ յանցաւոր գործողութիւններից։
Միեւնոյն ժամանակ ընտրողներին յիշեցնում ենք, որ ընտրութիւնը գաղտնի է, իսկ գաղտնիութեան խախտումը՝ յանցագործութիւն։ Ոչ ոք իրաւունք չունի եւ չի կարող վերահսկել ձեր քուէարկութիւնը։
Իրաւական թէժ գծի հեռախօսահամարն է` +374 95 273399
«Հայաստան» դաշինք
15.05.2026թ
