Նոր հայցեր են ներկայացուել Արամ Սարգսեանի, Լուսինէ Բադալեանի ու Գեւորգ Պապոյեանի դէմ․ յայտնել է փաստաբան Հովհաննես Խուդոյեանը։
«Ստի ու կեղծիքի դէմ պայքարում նրանց դէմ նոր հայցեր ենք ներկայացրել Հայ յեղափոխական դաշնակցութեան վերաբերեալ զրպարտող ու վիրաւորական արտայայտութիւններ թոյլ տալու համար»,–գրել է փաստաբանը:
ՀՅԴ հանրային կապերի բաժնից հաղորդում են՝ դիմել են դատարան՝ ընդդէմ Գեւորգ Պապոյեանի, Լուսինէ Բադալեանի եւ Արամ Սարգսեանի՝ ՀՅԴ կուսակցութեան հասցէին հնչեցուած զրպարտիչ եւ իրականութեանը չհամապատասխանող յայտարարութիւնների համար։
«Գեւորգ Պապոյեանը օգոստոսի 21-ին «Armtimes.com»-ին տուած հարցազրոյցում յայտարարել է, թէ ՀՅԴ-ն «պատերազմի կողմ» է եւ մեղադրել է մէզ 2020 թ․ նոյեմբերի 9-ի գիշերը կառավարութեան շէնքեր ներխուժելու ու գոյք գողանալու մէջ։
Լուսինէ Բադալեանը սեպտեմբերի 10-ին նոյն հարթակում ասել է, թէ իբր ՀՅԴ-ն կազմակերպել է Արարատ Միրզոյեանի սպանութեան փորձ եւ մասնակցել Ազգային ժողովի ու կառավարութեան շէնքերում ջարդերին։
Արամ Սարգսեանը օգոստոսի 27-ին «Factor.am»-ին տուած հարցազրոյցում պնդել է, թէ «դաշնակցականներն են» մերժել Ալիեւի առաջարկները եւ մասնակցել Եւլախի բանակցութիւններին։
Այս բոլոր պնդումները սուտ են եւ չունեն որեւէ փաստական հիմք։ Մենք դրանք գնահատում ենք որպէս կանխամտածուած զրպարտութիւն։
Ուստի դիմել ենք դատարան՝ պահանջելով հրապարակային ներողութիւն եւ պատճառած վնասի փոխհատուցում»,- նշուած է յայտարարութեան մէջ:
