ԱԱԾ պահեստազօրի սպաների միութիւնը յայտարարութիւն է տարածել, որը ներկայացնում ենք ստորեւ․
«ԱԱԾ պահեստազօրի սպաների միութեան կողմից մշակուել են թեզիսային առաջարկներ ԱԱԾ հեռանկարի վերաբերեալ, որոնք հրապարակում ենք նոր կարծիքներ, առաջարկներ ստանալու ակնկալիքով:
Լրամշակուած տարբերակն այնուհետ ուղարկուելու է առաջիկայ համապետական ընտրութիւններին մասնակից քաղաքական ֆաւորիտ ուժերին:
Արդիւնքներն ամբողջացնելով, ինչպէս նաեւ վերագնահատելով մեր Հայրենիքում ստեղծուած ճգնաժամային իրավիճակը՝ յստակ դիրքորոշում կձեւաւորենք քաղաքական ուժերի նկատմամբ:
Ձեր առաջարկութիւնները կարող եք տալ մեկնաբանութիւններում:
Ա Ռ Ա Ջ Ա Ր Կ ՈՒ Թ Յ ՈՒ Ն Ն Ե Ր
(ԱԱԾ զարգացման վերաբերեալ)
- Համակարգն ապաքաղաքականացուելու է, օրէնսդրօրէն պատասխանատուութիւն է սահմանուելու ԱԱԾ-ն քաղաքական կամ անձնական այլ բնոյթի գործընթացներում ներգրաւելու համար: ԱԱԾ-ում ծառայութեան չափանիշները լինելու են հայրենասիրութիւնը եւ պրոֆէսիոնալիզմը, սահմանուելու է հասարակութեան վստահութեան բարձր նիշ։
- ԱԱԾ ղեկավարը պէտք է ունենայ անկախութեան յստակ երաշխիքներ, նա չի կարող պաշտօնից կամայական որոշմամբ ազատուել, երկրի ղեկավարը նման որոշում կայացնելու դէպքում հաշուետու է լինելու ՀՀ Ազգային ժողովին։
- Օրենսդրորերն յստակեցուելու է երկրի քաղաքական ղեկավարի իրաւասութեան շրջանակներն ԱԱԾ գործունէութեանը միջամտելու, կառոյցին յանձնարարականներ տալու, յատկապէս օպերատիւ աղբիւրների մասին տուեալներ, տեղեկութիւններ ստանալու առումով, բացառուելու է գործակալական ցանցի նկատմամբ ցանկացած կամայական վերաբերմունք, նման բնոյթի տեղեկութիւնները չէն գաղտնազերծուելու եւ չէն հրապարակուելու։
- ԱԱԾ գործող աշխատակիցները ստանալու են դատայ-դատախազական համակարգին հաւասարազօր աշխատավարձ, ունենալու են բնակարանի, հանգստի, իրենց եւ իրենց ընտանիքի անդամների ուսման, առողջապահական, գոյքահարկից եւ հնարաւոր այլ պետական վճարներից ազատման, ցածր տոկոսադրոյքով վարկաւորման եւ այլ ուղղութիւններով յստակ սոցիալական երաշխիքներ։
- ԱԱԾ համակարգում վերականգնուելու է քննչական մարմինը, մասնագիտական շրջանակներում քննարկուելու է հետախուզութիւնը եւ պետական պահպանութեան ծառայութիւնը եւս վերականգնելու նպատակայարմարութիւնը։
- Օպերատիւ-տեխնիկական, որոնողական, բարձր տեխնոլոգիաների հետ կապ ունեցող ստորաբաժանումներն ապահւուելու են ժամանակակից տեխնիկական միջոցներով, իսկ բարձրակարգ աշխատակիցները ստանալու են IT ոլորտի մասնագէտներին հաւասարազօր աշխատավարձ։
- Երկրի տնտեսութեան ազատականացման, ինչպէս նաեւ միւս իրաւապահ մարմինների հետ նոյն գործառոյթը չկրկնելու նպատակով ԱԱԾ-ից հանուելու է տնտեսական յանցագործութիւնների դէմ պայքարի ֆունկիցան, փոխարէնն ուժեղացուելու է պետական բոլոր օղակների, ինչպէս նաեւ օտարերկրեայ ֆինանսաւորմամբ կազմակերպութիւնների նկատմամբ հսկողութիւնը, թմրամիջոցների, զէնքի մաքսանենգութեան, փողերի լուացման, ստուերային կրիպտոյ գործարքների դէմ պայքարը:
- Բարձրացուելու է ԱԱԾ կրթական հաստատութեան կարգավիճակը, ներդրուելու են ժամանակակից կրթական ծրագրեր, ապահւուելու է բարձրակարգ նիւթատեխնիկական բազայ, սարքեր-սարքաւորումներ։
- Ստեղծուելու են սուբյեկտիւ պատճառներով ԱԱԾ-ից հեռացած, հեռացուած աշխատակիցներին համակարգ վերադարձնելու պայմաններ, կադրային անարդար որոշումներ այլեւս չէն լինելու, ներդրուելու է մեխանիզմ գործող աշխատակիցների օրինական շահերը կամայականութիւնից պաշտպանելու համար։
- ԱԱԾ պայետազօրում գտնուող աշխատակիցները լինելու են պետութեան հովանու ներքոյ, նրանց ներուժն օգտագործուելու է պետական եւ մասնաւոր ոլորտներում։
- Աւանդոյթի ուժով Դեկէտեմբերի 20-ը վերականգնուելու է որպէս ԱԱԾ աշխատակցի օր։
28.04.2026թ»։.
