Ինչպէս նախկինում, այնպէս էլ հիմա մեր ստորագրութիւնները կան. ակնկալում ենք ողջամիտ ժամկէտներում գործընթացի իրական մեկնարկ, յայտարաեց Իշխան Սաղաթելեանը:
ԱԺ «Հայաստան» խմբակցութեան պատգամաւոր Իշխան Սաղաթելեանը «Հայաստան» խմբակցութեան պատգամաւորների ստորագրութիւնները փոխանցեց «Պատիւ ունեմ» խմբակցութեանը, որպէսզի կցէն իրենց նախագծին:
ԱԺ «Պատիւ ունեմ» խմբակցութեան նախաձեռնութեամբ այսօր հրաւիրուել են խորհրդարանական լսումներ: Քննարկւում է խմբակցութեան ներկայացրած «Ազգային ճգնաժամի եւ կառավարման ձախողման մասին» ԱԺ յայտարարութեան նախագիծը: ՀՅԴ Հայաստանի ԳՄ ներկայացուցիչ , «Հայաստան» խմբակցութեան պատգամաւոր Իշխան Սաղաթելեանը ներկայացրեց իրենց խմբակցութեան եւ դաշինքի դիրքորոշումն այս նախագծի վերաբերեալ։
Նա ասաց, որ իրենք ամբողջութեամբ կիսում են յայտարարութեան մէջ ներկայացուած փաստէրն ու հիմնաւորումները։ «Աւելին, վերհաստատում ենք մեր դիրքորոշումները, որ Նիկոլ Փաշինեանի կառավարութեան ժամանակահատուածում բազմաթիւ անգամ խախտուել է մեր երկրի սահմանադրական կարգը, Նիկոլ Փաշինեանը գործել է պետական դաւաճանութեան յատկանիշներով։ Եւ Նիկոլ Փաշինեանին պաշտօնազրկելու իրաւայ-քաղաքական հիմքերը անհերքելի են։ Հետեւաբար, մեր դիրքորոշումը հետեւեալն է՝ նախագծին կողմ ենք, ե՛ւ յանձնաժողւում, ե՛ւ լիագումար նիստում կողմ ենք քուէարկելու»,- ասաց Սաղաթելեանը։
Նա նշեց, որ որեւէ մէկը կասկածի տակ չիչ դնում այն հարցը, որ այս իշխանութիւնը մեր պետականութեանը սպառնալիք է, եւ նրանց՝ մէկ օր աւելի իշխանութեանը մնալը վտանգաւոր է։ «Ամբողջ հարցը հետեւեալն է՝ ինչպե՞ս, ի՞նչ ժամկէտներում եւ ի՞նչ ճանապարհով ազատուել այս իշխանութիւնից։ Նախորդ 5 տարիների ընթացքում մենք փորձել ենք մթնոլորտ գեներացնել, մեր երկրում համաժողովրդական շարժում ձեւաւորել, եւ, աեօ, մենք տեսել ենք ճանապարհը՝ սահմանադրական ճանապարհով երկրի խորհրդարանում իմպիչմենտի ճանապարհով հասնել իշխանափոխութեան։ Բայց ինչո՞ւ մինչեւ հիմա մենք չենք եկել խորհրդարան, եւ այս հարցը չի մտել օրակարգ՝ բացառապէս մի պատճառով, որ մենք չենք ունեցել բաւարար ստորագրութիւններ՝ խորհրդարան մտնելու եւ յաջողութեան հասնելու համար։
Մեր գործընկեր «Պատիւ ունեմ» խմբակցութիւնը՝ ի դէմս ՀՀԿ-ի, ստանձնել է քաղաքական պատասխանատուութիւնը եւ յայտարարել իմպիչմենտի գործընթաց սկսելու մասին։
Մեր դիրքորոշումը եղել է հետեւեալը, որ մենք միանում ենք իմպիչմենտի գործընթացին, հրապարակել ենք մեր ստորագրութիւնները, ասել ենք՝ եկեք արձանագրենք, որ «Հայաստան» խմբակցութիւնը միացած է եւ ուժերը կենտրոնացնենք իշխանական պատգամաւորների վրայ՝ փորձելով ունենալ պակասող ստորագրութիւնները եւ սկսել գործընթաց։ Անցել է 3-4 ամիս, մեր գործընկերները պարբերաբար յայտարարել են, որ պրոցեսը չի ընդլայնւում եւ առաջ չի գնում նաեւ այն պատճառով, որ «Հայաստան» խմբակցութեան պատգամաւորները չէն ստորագրել այն ձեւաթղթի տակ, որը ներկայացրել է «Պատիւ ունեմ» խմբակցութիւնը։ Նաեւ եղել է հրապարակային յայտարարութիւն, որ իշխանական պատգամաւորները չէն միանում այն պատճառով, որովհետեւ այդ ձեւաթղթի տակ չկայ մեր ստորագրութիւնը։
Հետեւաբար, հաշուի առնելով նոր իրողութիւնը եւ մեր գործընկերների այդ վստահեցումը, ես մեր խմբակցութեան պատգամաւորների՝ երեք ամիս առաջ ստորագրած ստորագրութիւնները հիմա կփոխանցեմ «Պատիւ ունեմ» խմբակցութեանը՝ կցելու այդ գործընթացին եւ ֆիքսելու, որ մեր ստորագրութիւնները կային ինչպէս 3 ամիս առաջ, այնպէս էլ հիմա»,- յայտարարեց Իշխան Սաղաթելեանը։
Մանրամասն՝ տեսանիւթում։
