Նորաձեւ կրթութեան վրայ խարսխուող «Իրական Հայաստանի» փուչ ու սին «գաղափարախօսութեան» հիմնական նպատակներից մէկը անուժ ու անպաշտպան ներկայանալն է, ասել կուզի՝ քեզանից հզօրների ողորմածութեանը յանձնուելը:
Վարչապետի աթոռը զբաղեցնող անձից վերջին տարիների ընթացքում երբեւէ լսե՞լ եք հայկական բանակի, հայ սպային, զինուորին վերաբերող անդրադարձ, վերլուծութիւն, դրուատանքի խօսք կամ գնահատական: Տեսե՞լ եք արդյօք լուսանկար բանակի զինուորականութեան հետ որեւէ զօրամասում 2020 թ.-ից յետոյ: Ոչ, քանզի նա փակել ու շրջանառութիւնից հանել է պետականութեան ողնաշարն ու պատուարը հանդիսացող բանակի թեման: Նրա քարոզած «Իրական Հայաստանը» բանակազուրկ Հայաստանի մասին է, որտեղ հերոսը անձնազոհութիւն դրսեւորած զինուորականը չի, այլ հարկ վճարող ու հարցեր չտուող ստրուկը:
Բանակի թեման ու բանակի կերպարները բացակայում են Հանրային հեռուստաընկերութեան եթերում: Դրա փոխարէն խեղկատակութիւններ՝ ինչքան ուզեք:
Ովքեր դեռ չէն կռահել, ասեմ, որ երկու օր առաջ Մոսկուայում յաղթանակի շքերթին առանց զօրք երկրի ղեկավարի ներկայութիւնը կարգավիճակով հաւասարազօր էր ներկաների գլխաքանակը չպակասացնելու ցանկութեանը: Այլ խօսքով ասած, եթէ չկայ քո զինուորականութիւնը, ապա դու այդտեղ չպէտք է լինես… Սա սոսկ արարողակարգ չի, սա պատիւ ու արժանապատուութիւն է, հասկացութիւններ, որոնք նոյնպէս բացակայ կը գրանցուէն «Իրական Հայաստանի» տեսլականում:
Հայկ Դեմոյեան, Հայոց ցեղասպանութեան թանգարան-ինստիտուտի նախկին տնօրէն
