Ստորև Մայր Աթոռի յայտարարութիւնը ամբողջութեամբ:
Այսօր՝ հոկտեմբերի 3-ին, դատարանը, շարունակելով ոտնահարել արդարադատութեան հիմնարար սկզբունքները, Գերաշնորհ Տ․ Միքայել արք․ Աջապահեանին դատապարտեց երկամեայ ազատազրկման։
Ի սկզբանէ ակնյայտ էր, որ Շիրակի թեմի առաջնորդի նկատմամբ յարուցուած քրէական հետապնդումն ունի քաղաքական դրդապատճառներ եւ իշխանութիւնների հակաեկեղեցական արշաւի բացայայտ դրսեւորումներից է։
Գերշ․ Տ․ Միքայել արք․ Աջապահեանին ազատազրկելու վերաբերեալ անարդար դատաւճիռը քաղաքական հաշուեյարդարի հերթական ապացոյցն է, որը խօսքի եւ կրօնի ազատութեան, խտրականութեան արգելքի սկզբունքի կոպտագոյն ոտնահարում է, ժողովրդավարական հասարակարգին նետուած ուղիղ մարտահրաւէր։
Խստօրէն դատապարտելով աղաղակող ապօրինութիւնները՝ վերստին հաստատում ենք, որ Մայր Աթոռ Սուրբ Էջմիածինը հետամուտ է լինելու իրաւական, այդ թւում՝ միջազգային գործիքակազմերի կիրառմանը՝ Գերաշնորհ Տ․ Միքայել արք․ Աջապահեանի արդար իրաւունքները վերականգնելու համար։
