Նոյեմբերի 27-ին հրապարակուած յայտարարութիւնը, դրան յաջորդած խայտառակ հանդիպումը մէզ ստիպում են խոր ցաւով կատարել հետեւեալ յայտարարութիւնը.
ա) դատապարտում ենք հերձուած ստեղծելու այս փորձը եւ ընթացքըդաւադիր, գաղտագողի վարքով,
բ) դատապարտում ենք աշխարհիկ իշխանութիւններին, այն էլ հայրենադաւ եւ դաւաճան, ներքաշելու ներէկեղեցական հարցերի լուծման մէջ գործիք դառնալով նրանց ձեռքին,
գ) մեր կոչն է տիրադաւերինվերադառնալ կանոնական դաշտ եւ իրենց յուզող հարցերը բարձրացնել ներէկեղեցական տիրոյթում եւ ատեաններում, դ) դիմում ենք Վեհափառ Հայրապետին անհրաժեշտ ենք նկատում հրաւիրել եպիսկոպոսաց ժողովքննարկելու առկայ հարցերը եւ պատրաստելու Ազգային եկեղեցական ժողովի օրակարգը: Միեւնոյն ժամանակ պնդելով ապահովել ապօրինի ազատազրկուած երեք սրբազաններիս մասնակցութիւնը:
Աղոթում ենք, յոյս եւ համոզում ենք յայտնում, որ Վեհափառ Հայրապետն ամուր եւ անսասան կը մնա, եւ որ Սուրբ Հոգու առաջնորդութեամբ մեր Սուրբ եկեղեցին կը յաղթահարի չարի այս փորձութիւնը եւս:
«Բայց այս ամէնից աւելի յաղթական ենք դուրս գալիս նրա շնորհիւ, ով մէզ սիրեց, որովհետեւ համոզուած եմ, որ ո´չ մահը, ո´չ կեանքը, ո´չ հրեշտակները, ո´չ իշխանութիւնները, ո´չ ներկայ եւ ո´չ գալիք բաները, ո´չ զօրութիւնները, ո´չ բարձրութիւնը, ո´չ խորութիւնը, ոչ էլ որեւէ ուրիշ արարած չի կարող մէզ բաժանել Աստծու սիրուց, որ մեր Տեր Քրիստոս Հիսուսով է» (Հռոմ. Ը 37-39):
