Նոյեմբերի 20-ին՝ ժամը 15:00-ին, Դատախազութեան դիմաց տեղի կ’ունենայ ակցիայ՝ ի պաշտպանութիւն բոլոր քաղբանտարկեալների․ յայտնում է ՀՅԴ Հայաստանի Գերագոյն մարմնի ներկայացուցիչ, ՀՀ ԱԺ «Հայաստան» խմբակցութեան պատգամաւոր Իշխան Սաղաթելեանը։
«Հայաստանում արդէն կայ երեք տասնեակից աւելի քաղբանտարկեալ, այս չարիքի իշխանութեան կողմից կեղծ մեղադրանքներով, շինծու քրէական գործերով ապօրինաբար կալանաւորուել են սրբազան հայրեր, հոգեւորականներ, ազգային բարերար, Ազգային ժողովի պատգամաւոր, ընտրուած համայնքի ղեկավարներ, քաղաքական, հանրային գործիչներ, բլոգերներ, զոհուած զինծառայողների ծնողներ, հարազատներ, այդ թւում՝ կին քաղբանտարկեալ։ Այս բոլոր մարդիկ այսօր գտնւում են անազատութեան մէջ բացառապէս նրա համար, որ հաշտ չէն երկրում ստեղծուած իրավիճակի հետ, դէմ են այս իշխանութեան հակահայ քաղաքականութեանը եւ այդ իմաստով արտայայտել են իրենց տեսակէտը եւ պայքարել դրա դէմ»,- նշել է պատգամաւորը։
