Մայր Աթոռ Սուրբ Էջմիածնի Գիւմրու Հաեորդաց տանը տեղի ունեցաւ Ծիլ տիկնիային ստուդիայի՝ «Մարալն ու հայրիկը Արցախում» գրքի հիման վրայ բեմադրուած առաջնախաղը։ Գրքի հեղինակն է Մարինէ Չարշաւճեանը, ով ամուսնու՝ Շանթ Չարշաւճեանի հետ 44-օրեայ պատերազմից յետոյ տեղափոխուել է Արցախ եւ այնտեղ շարունակել իր ստեղծագործական ու մարդասիրական գործունէութիւնը։
Պատմութիւնը իրական մեծ սիրոյ մասին է՝ Արցախի հանդէպ։ Հեքիաթը գրուած է Արցախի Մարտունու ենթաբարբառով եւ ունի կարեւոր կրթական ու դաստիարակչական նշանակութիւն։ Այն ներկայացնում է Մարտունին՝ իր պատմական կառոյցներով, արձաններով ու հերոսներով՝ երեխաներին փոխանցելով հայրենասիրութեան, յիշողութեան եւ արժէքների կարեւորութիւնը։
Հեքիաթի առանցքային ուղերձն այն է, որ երբ մարդը մտածում է միւսի մասին, որեւէ խոչընդոտ անլուծելի չի լինում։ Մարալի հայրիկը, իր փոքրիկ դստէր հետ, Նոր տարին վերածում է հեքիաթի՝ կերպարանաւորուելով Կաղանդ պապի եւ Ձիւնանուշի կերպարներով, գիւղ առ գիւղ շրջելով, նուէրներ բաժանելով եւ երեխաներին հեքիաթ պարգեւելով։
Գրքի վաճառքից ստացուած հասոյթով ձեռք են բերուել նուէրներ, որոնք բաժանուել են Շիրակի մարզում հաստատուած արցախցի երեխաներին:
Ծիլ տիկնիկային ստուդիան ծրագիրն իրականացրել է «Լորիկ» հիմնադրամի աջակցութեամբ։
Տեղահանութիւնից ի վեր «Լորիկ» հիմնադրամն աջակցում է արցախցի ստեղծագործ խմբերին՝ շարունակելու իրենց գործունէութիւնը, համախմբուած պահելով արցախցի փոքրիկներին՝ Արցախի մշակոյթի ու կոլորիտի շուրջ։
