Բագրատ Սրբազանի նամակը կալանավայրից.
«Սիրելինէր, նախ ցանկանում եմ իմ եւ 17 արդարների անունից շնորհակալութիւն յայտնել երեկուայ համախումբ աջակցութեան եւ զօրակցութեան համար՝ մեծապէս գնահատելով բոլոր նախաձեռնողներին, բանախօսներին եւ բոլոր մասնակիցներին:
Հստակ է, որ այսօր գերութեան եւ պատանդառութեան մէջ է ողջ Հայաստանը՝ բոլոր շերտերով, հետեւաբար ձեր ցուցաբերած զօրակցութիւնը ոչ թէ մեր մասին է, այլ մեր երկրի ազատագրութեան:
Աեօ՛, մենք գերեւարուած ենք եւ պատանդառուած թշնամու կողմից, բայց մեր հայրենիքն աւելին է քան մենք:
Երեկ դատարանում տեղի ունեցածը Լիդեայ Մանթաշեանի եւ Մովսես Շարբաթեանի նկատմամբ դրա վառ ապացոյցն է: Յատկապէս, Լիդեայի վերաբերեալ կայացրած որոշումով դատարանը եւս մէկ անգամ փաստեց իր հրայանգաւորուած եւ կամակատար լինելու մասին՝ եւս մէկ մեխ խփելով առկայ արդարադատութեան դագաղին:
Ինչ էլ որ անեք, ինչպէս էլ վարուէք միեւնոյնն է՝ այս պայքարը անուարան շարունակուելու է մինչեւ մեր երկրի կատարեալ ազատագրումը: Իսկ Լիդեան իր բարձր նկարագրով կայ եւ մնալու է այս ազատագրական պայքարի շղթայուած եւ յաղթանակող խորհրդանիշը:
Իսկ կամակատարների եւ զրպարտողների մասին դարձեալ կրկնեմ. «Վա՜յ նրանց, ովքեր անարդար օրէնքներ են հաստատում, չար գործեր են արձանագրում եւ նրանց, ովքեր ճնշող որոշումներ են ընդունում»։ (հմմտ. Եսայի 10:1) Զորացէ՛ք, սիրելի ժողովուրդ, մի՛ երկնչեք, մի՛ վախեցեք ոչնչից, որովհետեւ «մեր երազանքներն ու իղձերն աւելի մեծ են, քան մեր կեանքի օրերը»:
Յաղթանակն այլընտրանք չունի…»
Երկիր Օրաթերթ
