Իրանահայութիւնն ու պատերազմի հետքերը

Նախապէս հաղորդել էինք որ Իրանի վրայ իսրայէլի յարձակումների արդիւնքում փշրուել են Թեհրանում տպագրուող Ալիք հայերէն օրաթերթի խմբագրատան ապակիները

Նաև տեղեկանում ենք որ պայթիւնների ալիքի պատճառով թեթեւակի վնասներ է կրել «Արարատ» մարզաւանը։ Փշրւել են մի քանի պատուհանների ապակիներ, վնասւել են մի քանի դռներ։

Ծանր վնասների մասին լուրերը ստայոդ են եւ չեն համապատասխանում իրականութեանը։

«ԱԼԻՔ»ը շարունակում է իր աշխատանքը առցանց և օրաթերթը հասանելի է բոլորին:

Ցաւով նաև տեղեկացանք, որ Թեհրանի վրայ վերջին օրւայ յարձակումներից տուժել է մէկ հայ ընտանիք։

Ռմբահարման արդիւնքում վնասւել է նրանց բնակարանը, ընտնիքի անդամները ունեն մարմնական որոշակի վնասւածքներ։ Բարեբախտաբար ընտանիքի երեք անդամների վնասւածքները թեթեւ են եղել, իսկ ընտանիքի տատիկը տեղափոխւել է հիւանդանոց։ Նրա վիճակը կայուն է, կեանքին վտանգ չի սպառնում։

Ազգային իշխանութիւնը հետեւում է իրավիճակին։ Յունիսի 26 –ին, Թ.Հ.Թ. Թեմական խորհրդի անդամ Հայրիկ Աղանեանը, Տէր Գրիգորիս քհնյ. Ներսիսեանը, եւ «Ալիք» օրաթերթի ներքին վարիչ Արգիշտի Թովմասեանն այցելել են հիւանդանոց, որտեղ հոսպիտալացւել է ռմբակոծութեան հետւանքով ծանր վիրաւորում ստացած թեհրանահայ Անահիտ Շահբազեանը:

Այցի ընթացքում քահանահայրը փոխանցելով Սրբազան հօր հայրական օրհնանքն ու ողջոյնները` աղօթել է Անահիտ տատիկի շուտափոյթ ապաքինման եւ առողջութեան համար, նրա ընտանիքին մաղթելով կամքի ուժ` փորձութիւնը յաղթահարելու համար:

Թեմական խորհրդի անդամ Հայրիկ Աղանեանն էլ իր հերթին առողջութիւն մաղթելով վիրաւորում ստացած տատիկին` տուժած ընտանիքին տեղեկացրել է, որ Թ.Հ.Թ. թեմական խորհրուրդը փորձել է իր հնարաւորութիւնների սահմաններում ժամանակաւոր կեցավայր յատկացնել ռմբակոծութիւնից տուժած ընտանիքին:

«Այս կապակցութեամբ ցանկանում եմ տեղեկացնել, որ կահաւորման հետ կապւած աշխատանքներն այս հանդիպման հետ միաժամանակ, ընթացքի մէջ են»,- յաւելել է նա:

Յիշեցնենք, որ երեքշաբթի՝ յուլիսի 24-ի լուսաբացին, սպասւող զինադադարից ընդամէնը կէս ժամ առաջ, իսրայելի ռազմաօդային յարձակման թիրախ է դարձել թեհրանահայ ընտանիքի բնակարանի հարեւանութեամբ գտնւող շէնքը: Պայթիւնի հտեւանքով մեծապէս վնասւել է նաեւ հայ ընտանիքի բնակարանը, որտեղ ծանր վիրաւորում է ստացել 80-ամեայ Անահիտ Շահբազեանը, ում անմիջապէս տեղափոխել են հիւանդաոց:

«ԱԼԻՔ»-ի թղթակցի վկայութեամբ, ուժգին պայթիւնի հետեւանքով ամբողջութեամբ վթարային է դարձել բնակարանը, որտեղ բնակւում էր հայ ընտանիքը: