ՀՅԴ գրասենեակներում եւս յանձնարարուած է խուզարկութիւններ իրականացնել, եւ հնարաւոր է՝ նոր դաշնակցականներ եւս կալանաւորուեն
«Ժողւուրդ» օրաթերթը գրում է. «ՀՅԴ Գերագոյն մարմնի ներկայացուցիչ Իշխան Սաղաթելեանը երկուշաբթի գիշերը մեկնել է Մոսկուայ։ «Ժողւուրդ» օրաթերթի տեղեկութիւններով՝ նա անխոչընդոտ հատել է սահմանը եւ հասել է ՌԴ մայրաքաղաք։ Լուրը մէզ հետ զրոյցում հաստատեց նաեւ անձամբ Իշխան Սաղաթելեանը՝ նշելով, որ շուտով կուերադառնայ. «Աշխատանքային այցով, աեօ, Մոսկուայում եմ, բայց շուտով վերադառնալու եմ, անհոգ եղէ՛ք», -փոխանցեց պատգամաւորը:
Յիշեցնենք, որ Սաղաթելեանի մեկնումը տեղի է ունենում քաղաքական լարուած փուլում. իշխանական շրջանակում բացայայտ խօսում են նրան կալանաւորելու մտադրութեան մասին։ Ըստ մեր տեղեկութիւնների՝ իրաւապահ համակարգը Սաղաթելեանին պատրաստւում է մեղադրել «Սրբազան շարժմանը» աջակցելու համար, իսկ վարչապետ Փաշինեանը ենթադրաբար SMS հաղորդագրութեամբ արդէն յանձնարարել է մինչեւ ԱԺ ամառային արձակուրդների սկսուելը՝ յուլիսի 15-ից առաջ, նրան կալանաւորել։
Բացի դրանից, «Ժողւուրդ» օրաթերթին հասած տուեալների համաձայն, ՀՅԴ գրասենեակներում եւս յանձնարարուած է խուզարկութիւններ իրականացնել, եւ հնարաւոր է՝ նոր դաշնակցականներ եւս կալանաւորուեն։
Ինչ վերաբերում է պատգամաւոր Գառնիկ Դանիելեանին, ապա Դատախազութիւնը քննարկում է նրան անձեռնմխելիութիւնից զրկելու հարցը, սակայն ՔՊ քաղաքական թեւում կալանքը քիչ հաւանական են համարում»։
