Պաշտօնական Բաքուն օրինական իրաւունք ունի Հայաստանից փոփոխութիւններ պահանջել իր Սահմանադրութեան մէջ, որը «տարածքային պահանջներ է պարունակում Ադրբեջանի նկատմամբ», դա մնում է վերջնական խաղաղութեան ստորագրման առանցքային պայման:
Այս մասին յայտարարել է Ադրբեջանի ԱԳՆ մամուլի քարտուղար Այխան Հաջիզադէն:
Հաջիզադէն նշել է, որ Փաշինեանի յայտարարութիւնները ադրբեջանայ-հայկական խաղաղ գործընթացի հարցում միջազգային հանրութեանը «մոլորեցնելու հերթական փորձ են»:
«Նոյնիսկ Հայաստանի Սահմանադրութեան 21-րդ յօդուածում նշուած Հայաստանի զինանշանը արտացոլում է տարածքային պահանջներ Հայաստանի ներկայիս հարեւանների նկատմամբ»,-ասւում է յայտարարութեան մէջ։
Յիշեցնենք, որ երէկ Նիկոլ Փաշինեանը, պատասխանելով Ադրբեջանի հանրային հեռուստաընկերութեան լրագրողի այն հարցին, ասել է, որ դեռեւս չունենք Սահմանադրութեան նոր նախագիծը. «Մենք վերլուծել ենք մեր Սահմանադրութիւնը եւ գիտենք, որ այն հարցերը, որոնք բարձրացնում է Ադրբեջանը եւ ակնյայտ է, որ եւ դէ-իւրէ եւ մեր Սահմանադրական դատարանի որոշմամբ մեր գործող Սահմանադրութեան մէջ որեւէ պահանջ չկայ մեր ոչ մի հարեւանի նկատմամբ»:
168.am
