Հայ Դատի յանձնախումբը, Ա․Մ․Ն․ փոխնախագահ Վենսի մօտալուտ տարածաշրջանային այցելութեան ընդառաջ, սկսել է ելեկտրոնային հարթակին միջոցով ամերիկահայ համայնքի հետ կապ հաստատել, որպէսզի նամակ յղեն Վենսին եւ նշել հետեւեալ կէտերը,-
- Պահանջել հանդիպում Ադրբէյջանի մէջ ապօրինի կալանքի տակ գտնուող հայ գերիների հետ եւ հրապարակաւ պահանջել նրանց անյապաղ ու անվերապահ ազատ արձակումը։ Հայաստան գտնուելու ընթացքում հանդիպել վերջերս ազատ արձակուած հայ գերիներին և նրանց իրաւական ներկայացուցիչներին եւ դեռ կալանքի մէջ գտնուողների ընտանիքներին։
- Հանդիպել Հայաստան ապաստանած տեղահանուած արցախահայութեան ներկայացուցիչների հետ եւ հրապարակաւ աջակցել արցախահայերին՝ իրենց տները ապահով կերպով վերադառնալու հիմնարար իրաւունքի ուղղութեամբ։
- Կոչ ուղղել Ադրբէյջանին՝ անմիջապէս եւ անվերապահ կերպով դուրս բերելու իր զինուած ուժերը Հայաստանի ինքնիշխան տարածքներից։
- Կոչ ուղղել Ադրբէյջանին դադրեցնել Արցախի հազարամեակների հայկական քրիստոնէական մշակութային ժառանգութեան եւ քաղաքացիական սեփականութեան պղծումն ու ոչնչացումը։
Սպասւում է, որ Վենսի գրասենեակը ստանայ տասնեակ հազարաւոր նամակներ։
