Ձերբակալուեցին փոդքաստի հաղորդաւարներ, ընդդիմադիրներ Նարեկ Սամսոնեանն ու Վազգէն Սաղաթելեանը
Աւելի քան մէկ ժամ տեւած քննչական գործողութիւնից յետոյ ԱԱԾ աշխատակիցները ձերբակալեցին ու Քննչական կոմիտէ տեղափոխեցին «Իմնեմնիմի» փոդքասթի հաղորդաւար Նարեկ Սամսոնեանին: Քննիչը յայտնեց, որ Սամսոնեանը մեղադրւում է խուլիգանութեան համար:
Պատճառը փոդքասթի նոյեմբերի 10-ի թողարկումն է, որտեղ Նարեկ Սամսոնեանը եւ Վազգէն Սաղաթելեանն անդրադարձել են Ազգային ժողովի նախագահ Ալէն Սիմոնեանին: Վերջինիս խօսնակը «Ազատութեանը» փոխանցեց, որ Սիմոմեանը իրաւապահներին հաղորդում է ներկայացրել վիրաւորական արտայայտութիւնների, սպառնալիքների մասով, որպէսզի տրուի իրաւական գնահատական:
Ձերբակալութիւնից առաջ փաստաբան Ռուբէն Մելիքեանը փորձում էր մտնել Սամսոնեանի բնակարան եւ մասնակցել քննչական գործողութիւններին, սակայն դուռը նրա առջեւ այդպէս էլ չբացուեց:
Փոդքաստի միւս հաղորդաւարը՝ Վազգէն Սաղաթելեանը եւս Ֆեյսբուքում գրել էր, որ ԱԱԾ դիմակաւորուած աշխատակիցները իր տուն են մտել:
Փաստաբան Արսէն Բաբայանը լուսանկար է հրապարակել Վազգէն Սաղաթելեանի տան բակից, գրելով, որ իրեն ներս չէն թողնում մտնել: Աւելի ուշ տեսանիւթ է հրապարակել, որում երեւում է, որ Սաղաթելեանին եւս ձերբակալում են:
Քննչական կոմիտեից յայտնել են միայն, որ նախաձեռնուած քրէական վարոյթի շրջանակներում կատարւում են անյետաձգելի քննչական գործողութիւններ: Այլ տեղեկութիւններ դեռեւս չէն հաղորդում:
Հետաքրիր է իմանալ մարդկային իրաւունքների և խօսքի ազատութեան պաշտպանների հակազդեցութիւնը ինչ է եղել անհամաչափ ուժի կիրառման և հաղորդավարներ ձերբակալելու փաստի մասին:
