🛡️ Մաս 2. Տեղեկատուական Պատերազմի Դիմադրութիւն
Դուք Ի՞նչ Կրնաք Ընել…
Հետեւեալը հանրային ծառայութեան յայտարարութիւններու շարքի երկրորդն է, որ կ՚իրազեկէ տեղեկատուական պատերազմներու կարեւորութիւնն ու ծանրութիւնը, անդրադառնալով անոնց հետեւանքները մեր համայնքներուն վրայ՝ սփիւռքի եւ հարենիքի մէջ։
Ինչու՞ Դուք Կարեւոր էք Տեղեկատուական Պատերազմի Դէմ Պայքարին մէջ
Տեղեկատուական Պատերազմին դէմ պաշտպանուիլը համատեղ պատասխանատուութիւն մըն է, որ կը ներառէ կազմակերպութիւններն ու համայնքի անդամները, որոնք գիտակից ճիգով կը ձեռնարկեն վերակառուցելու վստահութիւնը ընդհանուր իրականութիւններուն եւ հաստատութիւններուն հանդէպ։
Ինչո՞ւ Դժուար է Պայքարիլ
Տեղեկատուական Պատերազմին դէմ դնելը դժուար է բազմաթիւ պատճառներու համար՝
- Արագութիւն եւ Տարածում․ Առցանց ապատեղեկատուութիւնը արագ կը տարածուի, յաճախ աւելի արագ, քան զայն հերքելու ճիգերը։
- «Պահանջքի Խնդիր» ընդդէմ «Մատակարարման Խնդիր»․ «Ապատեղեկատուութեան յղացքի» հիմնական սխալը այն է, որ կը կեդրոնանայ մատակարարման սահմանափակումին վրայ, սակայն յաճախ ձախողած կ՛ըլլայ անդրադառնալու խորքային «պահանջքի խնդրին»։ Երբ հեղինակութեան հանդէպ վստահութիւնը կը կորսուի, տեղեկութեան մատակարարման զսպումը անզգուշաբար կրնայ աւելցնել պահանջքը այլընտրանքային, նոյնիսկ կեղծ աղբիւրներու հանդէպ։
- Վստահութեան Պակաս․ Հաստատութիւններու՝ (օր.՝ պետական մարմիններ, մամուլ) թափանցիկ չըլլալը, սխալները չընդունելն ու հաշուետուութենէ փախչիլը լրջօրէն կը խարխլեն հանրային վստահութիւնը, մարդոց աւելի խոցելի դարձնելով այլընտրանքային պատմութիւններու հանդէպ։
- Քաղաքական Բեւեռացում․ Ճշմարտութիւնը կողմնակալ բնոյթ կը ստանայ։
Ամէնամեծ խնդիրը միայն կեղծ բովանդակութիւնը չէ — այլ այն, որ մարդիկ կը ցանկան հաւատալ անոր, որովհետեւ կորսնցուցած են իրենց վստահութիւնը։ Վստահութիւնն է, որ պէտք է շտկուի, ոչ թէ միայն տեղեկատուութեան մատակարարումը:
Ինչպէս Դիմադրողականութիւն Կերտել
Տեղեկատուական Պատերազմին դէմ պայքարը կը պահանջէ անցնիլ հակազդեցիկ ճգնաժամային կառավարումէն դէպի կանխամտածուած եւ համակարգային դիմադրողականութիւն:
- Խորհեցէ՛ք Քննադատաբար․ Կանգ առէ՛ք նախքան արձագանգելը։ Հարց տուէ՛ք՝ ո՞վ պատրաստեց սա։ Ինչո՞ւ։ Գիտակցեցէ՛ք, որ ընկերային ցանցերը նախատեսուած են լոկ ուշադրութիւն գրաւելու համար, ոչ թէ զեկուցելու։ Հաշուի առէ՛ք տեղեկութեան աղբիւրը, անոր փաստական ճշգրտութիւնը եւ արդե՞օք ան նախատեսուած է ուժգին զգացումներ քրքրելու։ Եղէ՛ք կասկածող, բայց ոչ՝ ոչնչապաշտ։
- Պատմութեան Զօրութիւնը․ Ճանչցէ՛ք, որ յաջող քարոզարշաւները կը գործեն գրաւիչ պատմութիւններու եւ պատմական առանցքներու միջոցաւ, ոչ թէ միայն առանցին փաստերով։
- Աջակցեցէ՛ք Վստահելի Հաստատութիւններուն (եւ պահանջեցէ՛ք հաշուետուութիւն)․ Թէեւ հաստատութիւնները թերութիւններ եւ սխալներ ունին, պնդեցէ՛ք որ անոնք ճանչնան իրենց սխալները, ուղղումներ տան եւ պահպանեն ազնուութիւնը։ Սա կը ներառէ աւանդական լրագրութիւնը, ակադեմական դաշտը եւ պետական մարմինները։ Մղեցէ՛ք թափանցիկութեան եւ պատասխանատուութեան։
- Ընդարձակէ՛ք Ձեր Թուային Կրթութիւնը․ Ըմբռնէ՛ք այն միջոցները, որոնցմով կը տարածուի կեղծ տեղեկութիւն։ Սորվեցէ՛ք յայտնաբերել բոթերը, արհեստական բանականութեամբ ստեղծուած պարունակութիւնը եւ խարդախութիւն։ Հարցադրեցէ՛ք տեղեկութեան աղբիւրը եւ անոր օրինականութիւնը։
- Արժեւորեցէ՛ք Վաւերական Համայնքները․ Տեղեկատուութիւնը յաճախ կը վստահուի ընկերային յարաբերութիւններու հիման վրայ։ Փնտռեցէ՛ք այն աղբիւրներն ու համայնքները, որոնք կը կառուցեն վստահութիւն՝ իրաւացիութեամբ, բաց քննարկումով եւ եղանակի հանդէպ հաւատարմութեամբ, այլ ոչ միայն հաստատութենական դրոշմով։ Վստահութիւնը լաւագոյնս կը տարածուի այն միջավայրերու մէջ, որոնք կ՚արժեւորեն քննարկումը եւ ոչ թէ բարկութիւնը։
- Ապաբեւեռացում․ Տեղեկատուական Պատերազմի մարտավարութիւններու շատերուն նպատակն է պառակտել մարդոց, զանոնք խարդախութեան աւելի դիւրին թիրախ դարձնելով։ Ի հեճուկս տարբերութիւններու հաղորդակցիլ սորվելու եւ ապաբեւեռացնելու ճիգերը՝ կրնան օժանդակել հասարակութեան դիմադրողականութեան կերտումին։
Ձեր Դերակատարութիւնը Կարեւոր Է
Պէտք չունիք կատարեալ ըլլալու. պարզապէս դադար առէ՛ք, հարցաքննեցէ՛ք եւ գործէ՛ք ուշադրութեամբ: Երբ անհատները կը դառնան աւելի գիտակից, մեր համայնքները աւելի կը զօրանան եւ աւելի դժուար կը դառնայ ճշմարտութիւնը պարտութեան մատնել։
