«Աստծոյ ողորմութեամբ եւ օգնութեամբ միասին պէտք է յաղթահարէնք այս դժուարութիւնները»․
Գարեգին Բ.
«Զուարթնոց» օդանաւակայանում հաւաքուած ժողովուրդը Ամենայն Հայոց կաթողիկոս Գարեգին Երկրորդին դիմաւորեց ծափերով եւ «Վեհափառ» վանկարկումներով։
«Սիրելինէր, գիտենք, որ վարչապետի կողմից հնչեցուած յայտարարութիւնները հանընդհանուր վրդովմունք են առաջ բերել: Հաւատում եմ, որ աստծոյ ողորմութեամբ եւ օգնութեամբ ձեզ հետ միասին խոհեմօրէն, առանց աւելորդ յուզականութեան, ընդվզումների պիտի կարողանանք յաղթահարել այս դժուարութիւնները: Ամուր մնացեք ձեր հաւատքի եւ առ եկեղեցին ունեցած ձեր սիրոյ ու հաւատարմութեան մէջ:
Մենք ձեր այս վերաբերմունքը գնահատում ենք, բայց նաեւ ցանկանում ենք ասել, որ այն առաւել եւս պարտաւորեցնում է մէզ` եկեղեցականներիս մեր առաքելութիւնը նոյն նուիրումով ու հաւատարմութեամբ առ ձեզ ու հայրենին մեր իրականացնելու անշեղօրէն, արդիւնաւետ կերպով: Մեր յորդորը պիտի լինի, որ այս դժուարին ժամանակներում ամուր ու հաստատուն պահեք միաբանութիւնն ազգային մեր կեանքում: Թոյլ չտանք, որ որեւիցէ կերպ մեր կեանքում տեղ գտնէն այնպիսի արարքներ, որոնք կվտանգէն ազգային մեր միասնութիւնը:
Մենք հաւատում ենք, որ մեր միասնական ջանքերով մեր կարողութիւնների մէկտեղումով պիտի դիմակայենք բոլոր փորձութիւններին եւ արդէն մեր կեանքի բոլոր դժուարութիւնները յաղթահարելով լաւատեսութեան յոյսով ու հաւատով կերտենք մեր ու մեր զաւակների վաղուայ պայծառ օրը:
Աստուած օգնական ու պահապան մեր ժողովրդին այսօր եւ յաւիտեանս»,-դիմելով իրեն դիմաւորելու եկած հոծ բազմութեանը՝ ասաց Վեհափառ Հայրապետը։
Հայոց Հայրապետի առաջարկով հնչեց «Տերունական աղօթքը», նաեւ կատարեցին «Երկար կեանք տուր Հայրապետին» շարականը։ Յիշեցնենք, որ բազմաթիւ քաղաքացիներ հաւաքուել են օդանաւակայանում՝ դիմաւորելու Ամենայն Հայոց Կաթողիկոս Գարեգին Երկրորդին, ով մէկօրեայ այցից յետոյ վերադարձաւ ԱՄԷ-ից։
Աւելացնենք, որ մի շարք քաղաքական գործիչներ՝ դրանց շարքում Հայաստան խմբակցութեան անդամներ և ՀՅԴ Հայաստանի գերաքոյն մարմնի ներկայացուցիչ՝ Իշխան Սաղաթելեանը կոչ էին արել ժողովրդին համախմբուելու օդակայարանում կաթիղիկոսին դիմաւորելու և զօրակցելու համար:
https://www.facebook.com/watch/?v=1269429884587705
Երկիր Օրաթերթ
