Home | Քաղաքի Լրաբեր | Ս. Աստուածածին Եկեղեցին Տօնեց Իր Հիմնադրութեան 40րդ Տարեդարձը

Ս. Աստուածածին Եկեղեցին Տօնեց Իր Հիմնադրութեան 40րդ Տարեդարձը

By

ՎԱԶԳԷՆ ՔՀՆՅ. ԱԹՄԱՃԵԱՆ ԱՐԺԱՆԱՑԱՒ ԱՒԱԳՈՒԹԵԱՆ ՏԻՏՂՈՍԻՆ
ԿԼԵՆՏԷՅԼ.- Կլենտէյլի Ս. Աստուածածին եկեղեցին Շաբաթ եւ Կիրակի, Նոյեմբեր 14-15ի շաբաթավերջին կերտեց իր պատմութեան կարեւոր մէկ հանգրուանը՝ եպիսկոպոսական Ս. պատարագով եւ պաշտօնական ճաշկերոյթով տօնելով իր հիմնադրութեան 40րդ տարեդարձը: Աւելին, այս հանգրուանը յատկանշուեցաւ նաեւ այլ իրադարձութիւններով. արդարեւ, եկեղեցւոյ հոգեւոր հովիւներէն Վազգէն քհնյ. Աթմաճեան արժանացաւ Աւագութեան տիտղոսին, առաջնորդ Մուշեղ արք. Մարտիրոսեան կատարեց եկեղեցւոյ երեք նոր խաչերուն օրհնութիւնն ու օծումը, իսկ հոգաբարձութիւնը գնահատանքի արժանացուց ծխական համայնքին ծառայող նուիրեալներ ու բարերարներ:

Ս. ՊԱՏԱՐԱԳ ԵՒ ԽԱՉԵՐՈՒ ՕՐՀՆՈՒԹԻՒՆ

Կիրակի առաւօտուն, առաջնորդ Մուշեղ արք. Մարտիրոսեան պատարագ մատուցեց, երեք խաչերուն օրհնութիւնը եւ օծումը կատարեց եւ իր պատգամը ուղղեց ներկայ հաւատացեալներուն: Ներկաներու շարքին էին Ազգային վարչութեան անդամներ, եկեղեցւոյ ծառայողներ, բարերարներ եւ շրջանի միութեանց ներկայացուցիչներ:
Իր պատգամին սկզբնաւորութեան, առաջնորդը փառք տուաւ Աստուծոյ, որ ծխական այս համայնքին շնորհած է 40ամեակի հանգրուանը պատարագով նշելու առիթը՝ յիշեցնելով, որ օր մը առաջ, Շաբաթ երեկոյ, տեղի ունեցած էր այս հանգրուանին նուիրուած ճաշկերոյթը, որուն ընթացքին նուիրեալ ծառայողներ գնահատանքի ու պարգեւատրումի արժանացած էին: Ան օրհնեց վաստակը եկեղեցւոյ երեք հովիւներուն, որոնք նուիրումով կը ծառայեն եկեղեցւոյ ու ժողովուրդին, ապա նաեւ ողջունեց ներկայութիւնը Ազգ. վարչութեան, հոգաբարձութեան եւ եկեղեցւոյ ծառայութեան լծուած միաւորներու անդամներուն: Սրբազանը յայտարարեց, որ ընդառաջելով իր խնդրանքին՝ Արամ Ա. կաթողիկոս Աւագութեան տիտղոս ու պատիւ շնորհած է եկեղեցւոյ հովիւներէն Վազգէն քահանային, առ ի գնահատանք թեմին ու Ս. Աստուածածին եկեղեցւոյ իր բազմամեայ ծառայութիւններուն:
Մինչ դպրաց դասը կ՛երգէր «Հրաշափառ»ը, Արտակ քհնյ. Տէմիրճեան Հայրապետական կոնդակը թափօրով բարձրացուց խորան եւ յանձնեց առաջնորդին, որ ընթերցեց զայն: Առաջնորդը հակիրճ կերպով անդրադարձաւ տէր հօր քահանայութեան պատրաստութեան տարիներուն՝ սկսելով Դպրեվանքի ուսանողութեան օրերէն մինչեւ թեմին մէջ քահանայից դասընթացքին միանալն ու ձեռնադրութիւնը, ապա անդրադարձաւ նաեւ անոր կերտած վաստակին՝ Ս. Կարապետ եւ Ս. Աստուածածին եկեղեցիներու ծառայական դաշտին մէջ: Ան նկատեց, որ տէր հայրը իր հօրենական յարկէն ստացած աւանդը կը պահէ իր ընտանիքին մէջ, անոր զաւակները եւս նուիրուած են մեր ժողովուրդին ու եկեղեցւոյ ծառայութեան, ապա շնորհաւորեց տէր հայրն ու եկեղեցւոյ ընտանիքը՝ հրաւիրելով զանոնք վերանորոգ ուխտով շարունակելու ծառայութիւնները: «Տիտղոս ու պատիւ ստանալով՝ մենք աւելի եւս կը զգանք մեր պատասխանատուութեան իմաստը եւ առաւել խոնարհութեամբ ու համեստութեամբ կը շարունակենք մեր առաքելութիւնը», շեշտեց առաջնորդը:
Հայրապետական կոնդակին հետ, Վազգէն Ա. քահանայ ստացաւ առաջնորդին օրհնութիւնը:
Այնուհետեւ, դպրաց դասի «Ուրախ Լեր» շարականին երգեցողութեամբ սկսաւ երեք խաչերու օծման արարողութիւնը: Սրբազանը, եկեղեցւոյ հովիւներուն աղօթակցութեամբ կատարեց երեք խաչերուն օծումն ու օրհնութիւնը, մինչ բարերարները՝ Մհեր Տէր Յովհաննէսեան, տէր եւ տիկին Գրիգոր եւ Զարուհի Քիւրքճեան ընտանիքի ներկայացուցիչ Կարօ Քիւրքճեան եւ Ֆերմանեան ընտանիքի ներկայացուցիչ Պետիկ Ֆերմանեան, կանգնած էին իրենց հովանաւորած խաչերուն կողքին: Արարողութեան աւարտին, սրբազանը օրհնեց խաչերու կնքահայրերը, ինչպէս նաեւ գնահատանք արտայայտեց Գրաճեան ընտանիքին, որ յանձն առած է եկեղեցւոյ վրայ նախապէս հաստատուած խաչին բարերարութիւնը:
Առաջնորդ սրբազանը իր պատգամը սկսաւ տէր Վազգէնի, ծխական համայնքի ժողովականութեան ու ծառայողներուն ուղղուած շնորհաւորանքի եւ օրհնութեան խօսքով. ան ողջունեց նաեւ Նարեկ Ա. քհնյ. Շրիգեանը, որ ներկայ էր արարողութեան, ու գնահատեց անոր բազմամեայ ծառայութիւնը մեր եկեղեցւոյ:
Սրբազանի պատգամի բնաբանն էր Աւետարանի օրուան ընթերցումը՝ քաղուած Ղուկասու Աւետարանի 9րդ գլուխի 44-50 համարներէն, ուր Յիսուս իր աշակերտներուն կ՛ուղղէ խոնարհութեան, անմեղութեան ու բարութեան պատգամ մը. այդ համարները կը պատմեն Յիսուսի կեանքի այն օրերը, երբ հրաշագործութեան ու քարոզախօսութեան ժամանակաշրջանը կը մօտենար աւարտին եւ կը պատրաստուէր ճամբան զոհաբերումի: Քրիստոսի հրաշքներուն ականատես ու խորապէս տպաւորուած աշակերտներուն միջեւ հարց ծագած էր, թէ իրենցմէ ո՞վ պիտի ըլլար աւագը կամ երէցը: Յիսուս անոնց դիմաց կանգնեցուց մանուկ մը եւ յորդորեց նմանիլ անոր, ըլլալ անմեղ ու խոնարհ: Առաջնորդը յայտնեց, թէ մանուկին օրինակով, Յիսուս խոնարհութեան մէջ մեծ ըլլալու պատգամը տուաւ հաւատացեալին՝ ըսելով, որ ճշմարիտ մեծութիւնը Քրիստոսի վրայ հիմնուած հաւատքին մէջ է, ծառայութեան մէջ է, խոնարհութեան, սիրոյ եւ հաւատքի ճամբայէն քալելուն մէջ է: Վերջապէս, վերյիշելով աբեղայական ձեռնադրութենէն մինչեւ թեմի ներկայ օրերը՝ առաջնորդը նշեց, որ ամէն անգամ, երբ պատարագ կը մատուցէ, կը վերանորոգէ իր ուխտը, հետեւաբար, կոչ ուղղեց ծառայողներուն, որ 40ամեակի այս հանգրուանը վերածուի ուխտի վերանորոգման առիթի մը:
Սրբազանը նկատել տուաւ նաեւ, որ այդ օրը Յիսնակի բարեկենդանի օրն է։ «Ս. Ծննդեան տօնը կանխող յիսուն օրերու շրջանին, խոնարհութեան ու ծառայասիրութեան ոգին պէտք է ըլլայ տիրապետող, նաեւ՝ պատրաստութեան շրջան մը՝ ընդունելու Աստուծոյ մեծագոյն պարգեւը, որ մարդուն շնորհուեցաւ Միածինի Ս. Ծնունդով», ըսաւ առաջնորը եւ իր պատգամի աւարտին աղօթք բարձրացուց հոգիներուն համար բոլոր անոնց, որոնք եղան եկեղեցւոյ հիմնադիրները, ծառայեցին ու անցան, նաեւ օրհնեց ներկայի ծառայողները՝ յատկապէս յիշատակելով եկեղեցւոյ գլխաւոր բարերարներէն Մինասեան ընտանիքը:
Վազգէն Ա. քահանայ երախտագիտութեան խօսք ուղղեց վեհափառ հայրապետին եւ շնորհակալութիւն յայտնեց սրբազանին՝ ուխտելով վերանորոգ թափով շարունակել իր առաքելութիւնը:

 

Հովանաւորութեամբ ԱՄՆ Ա-րեւմտեան թեմի առաջնորդ Մուշեղ արք. Մարտիրոսեանի եւ կազմակերպութեամբ Կլենտէյլի Ս. Աստուածածին Հայց. առաքելական եկեղեցւոյ հոգեւոր հովիւներուն, հոգաբարձութեան եւ 40ամեակի յանձնախումբին, Շաբաթ, 14 Նոյեմբեր 2015ի երեկոյեան, համագաղութային ծաւալով եւ ճաշկերոյթով պաշտօնապէս տօնախմբուեցաւ Կլենտէյլի Ս. Աստուածածին եկեղեցւոյ հիմնադրութեան 40ամեակը, Կլենտէյլի «Հիլթըն» պանդոկի շքեղ սրահին մէջ։
Առաւել քան 600 հրաւիրեալներու, բարերարներու, նուիրատուներու, քաղաքական եւ ազգային դէմքերու, կազմակերպութիւններու, միութիւններու, եկեղեցւոյ յարակից մարմիններու ներկայացուցիչներու եւ հաւատացեալներու ներկայութեան, օրուան հանդիսութիւնը ձեռնահասօրէն վարեց Ս. Աստուածածին եկեղեցւոյ առաջին բարերարուհի Հիլտա Տէր Մինասեանի թոռնուհին՝ իրաւաբան Թինա Իզրայէլեան: Ան իր բարի գալուստի խօսքէն ետք անդրադարձաւ եկեղեցւոյ հիմնադրութեան օրերու դժուարութիւններուն, հայուն աննկուն կամքին, որ, ի վերջոյ, թէկուզ համեստ պայմաններու մէջ, բայց յաջողութեամբ իրականացուց գոյութիւնը գաղութիս Ս. Աստուածածին եկեղեցւոյ, ապա նաեւ՝ Շամլեան եւ Թիւֆէնքեան Ազգ. վարժարաններուն: Ան նշեց, որ այս հայաշունչ մթնոլորտին մէջ է որ յաջորդաբար ծնունդ առին ՀՕՄը, Համազգայինը, ՀՄԸՄը, Հայ կեդրոնը, կիրակնօրեայ եւ շաբաթօրեայ վարժարանները եւ քոյր միութիւնները: Ապա իր խօսքի աւարտին, հանդիսավարը մէջբերելով Աստուածաշունչէն խօսքեր՝ թելադրեց հետեւիլ Յիսուս Քրիստոսի քայլերուն, Իրեն նման ըլլալ լոյս եւ ջերմութիւն, որպէսզի մեր երիտասարդութիւնը պայծառամտութեամբ, հաւատքով եւ ազգասիրութեամբ սփռեն Քրիստոսէն ստացած լոյսն ու քաղցրութիւնը, եւ ըլլան օրինակելի զաւակներ իրենց նախնեաց եւ յաջորդ սերունդներուն:
Այնուհետեւ, եկեղեցւոյ երեք հոգեւոր հովիւները՝ տէր Վազգէն, տէր Արտակ եւ տէր Կոմիտաս քահանաները, կատարեցին բացման աղօթքը եւ սեղանի օրհնութիւն: Աղօթքէն անմիջապէս ետք, եկեղեցւոյ դպիրներէն՝ Կիրակնօրեայ վարժարանի սան, հաւատացեալ ու բարեպաշտ ընտանիքի զաւակ փոքրիկն Յակոբիկ Նալճեանը, մօտաւորապէս 10 վայրկեան տեւողութեամբ, անգլերէնով ներկայացուց Աստուածաշունչ Մատեանի 66 գիրքերուն ընդմէջէն յայտնուող Աստուծոյ ստորոգելիները եւ Աստուածաշունչի ամփոփ իմաստն ու նպատակը ներկայացնող գովաբանական միտք բանին՝ ապշահար պահելով յոտնկայս ունկնդիր ներկաները, որոնք աւարտին որոտընդոստ ծափահարութիւններով իրենց հիացումը արտայայտեցին փոքրիկին կատարողութեան համար:
Իւրայատուկ մեկնաբանութեամբ երեկոն խանդավառեց Element նուագախումբը՝ ղեկավարութեամբ Արա Տապանճեանի:
Ընթրիքէն ետք տեսաերիզով ցուցադրուեցաւ հակիրճ պատմականը Ս. Աստուածածին եկեղեցւոյ 40ամեայ յաջողութիւններուն եւ գործունէութեանց: Ներկաներէն շատերը, որոնք իրենց նիւթական, բարոյական եւ ծառայական ներդրումները ունեցած էին եկեղեցւոյս հիմնադրութենէն մինչեւ օրս, հոգեկան մեծ հրճուանքով եւ բաւարարութեամբ գնահատանքի արտայայտութիւններ կ՛ունենային:
Օրուան բանախօսն էր Տիգրան Տէր Սարգիսեան, որ եկեղեցւոյ հիմնադրութեան սկզբնական շրջաններու հոգաբարձական կազմի գործունեայ անդամներէն մին էր, իսկ ներկայիս՝ Լա Քրեսենթայի եկեղեցւոյ հոգաբարձութեան ատենապետը։ Ան հարազատ պատկերացումներով ներկայացուց այդ օրերու Կլենտէյլի նորաբողբոջ հայ գաղութին եկեղեցի եւ դպրոց ունենալու կարիքը, խանդավառ եւ աշխոյժ գործունէութիւն ունենալու պատրաստակամ ընտանիքներու բարձր հոգին, յանդուգն եւ ինքնավստահ որոշումներ առնող Ստեփան Գապատայեանի աշխուժութիւնը եւ աննկուն կամքը, Կլենտէյլ քաղաքի 500 S. Central պողոտային վրայ գտնուող ամերիկեան եկեղեցւոյ գնման համար առաջին մեծագումար նուիրատու Հիլտա Տէր Մինասեանի մեծահոգի բարերարութիւնը, այնուհետեւ՝ եկեղեցին հայկականացնելու համար կնքահայրերու, բարերարներու, նուիրատուներու եւ հսկայական աշխատանք ծաւալած ծառայողներու փաղանքը: Ան յիշեց այդ անմոռանալի օրը, երբ Մեծի Տանն Կիլիկիոյ երջանկայիշատակ կաթողիկոս Գարեգին Բ. վեհափառ հայրապետի ձեռամբ կատարուեցաւ Ս. Աստուածածին եկեղեցւոյ օծումը:
Այս հոգեպարար եւ վերացած մթնոլորտին մէջ, 40 մոմավառներ վառեցին իրենց նուիրուած ապակեայ խաչերուն մօտ գտնուող 40 մոմեր, որոնք կը խորհրդանշէին Քրիստոսի լոյսն ու ջերմութիւնը բաշխող եկեղեցւոյս 40 տարիներու բեղուն գործունէութիւնը:
Հանդիսավարուհին շարունակելով յայտագիրի ընթացքը՝ բեմ հրաւիրեց եկեղեցւոյ հոգաբարձութեան ժրաջան ատենապետ Կարօ Էշկիեանը, որպէսզի իր սրտի խօսքը փոխանցէ: Կարօ Էշկիեան առաջին հերթին շնորհակալութիւն յայտնեց Արեւմտեան թեմի առաջնորդ Մուշեղ արք. Մարտիրոսեանին, ձեռնարկը հովանաւորելուն եւ ներկայութեան համար, ապա նաեւ շնորհակալութիւն յայտնեց Ազգային վարչութեան անդամներուն, որոնք միշտ նեցուկ կանգնած են եկեղեցաշէն գաղափարներու եւ աշխատանքներու, ինչպէս նաեւ՝ Ս. Աստուածածին եկեղեցւոյ հոգեւոր հովիւներուն, որոնք մշտարթուն հսկած են եկեղեցւոյ հոգեւոր կարիքներուն եւ հետեւած եկեղեցւոյ բարեզարդման գուծունէութեանց: Ատենապետը շնորհակալութիւն յայտնեց նաեւ ներկաներուն՝ իրենց նիւթաբարոյական մասնակցութեան եւ քաջալերանքին համար, առաւել եւս շնորհակալութիւն յայտնեց 40ամեակի յանձնախումբին, որ 7 ամիսներէ ի վեր, տգնաջան աշխատանքով յաջողութեամբ իրականացուց սոյն հանդիսութիւնը։ Ապա ան անդրադարձաւ եկեղեցւոյ պահանջներուն, կարիքներուն, իրագործած աշխատանքներուն եւ մանաւանդ՝ յառաջիկայի մարտահրաւէրները դիմակալելու անհրաժեշտութեան: Շարունակելով իր խօսքը՝ ատենապետ Էշկիեան ըսաւ. «Ես լաւ խօսող չեմ, բայց լաւ գործող եմ»: Սակայն այդ օրը ան փաստեց, թէ ինք լա՛ւ խօսող է միաժամանակ:
40ամեակի հանդիսութեան գլխաւոր հովանաւորն էր Forest Lawn հաստատութիւնը, որ անցեալին եւս սատար հանդիսացած էր եկեղեցւոյ բարեզարդման կարիքներուն: Ատենապետ Էշկիեան հանդիսաւորապէս բեմ հրաւիրեց Forest Lawn-ի նախագահ Տերըն Տրեպինկը, եւ Վազգէն քհնյ. Աթմաճեանի հետ միասնաբար անոր յանձնեց եկեղեցւոյ յատուկ գնահատագիրը: Իր խօսքի աւարտին, ատենապետը, յանուն եկեղեցւոյ հոգեւոր հովիւներուն եւ հոգաբարձութեան, գնահատեց եկեղեցւոյ քարտուղարուհի Հուրի Պապահէքեանի բարձր նուիրումն ու աշխատասիրութիւնը, ինչպէս նաեւ՝ եկեղեցւոյ երկար տարիներու լռակեաց ծառայողներէն՝ խոնարհ եւ բազմավաստակ հոգաբարձուներ Վաղինակ Պապայեանն ու նախկին ատենապետ Զարեհ Մարգարեանը, եւ անոնց գնահատագիրներ յանձնեց: Ապա ատենապետը բեմ հրաւիրեց եկեղեցւոյս երեք հովիւները՝ Վազգէն քհնյ. Աթմաճեանը, Արտակ քհնյ. Տէմիրճեանը եւ Կոմիտաս քհնյ. Թորոսեանը, եւ յուշանուէրներ յանձնելով անոնց՝ երախտագիտութեամբ ներկայացուց հովիւներուն երկարամեայ անձնդիր ու նուիրական ծառայութիւնը:
Այնուհետեւ, Վազգէն քհնյ. Աթմաճեան բեմ հրաւիրեց թեմիս առաջնորդ Մուշեղ արք. Մարտիրոսեանը, որ եկեղեցւոյս ատենապետ Կարօ Էշկիեանի հետ ոսկեայ շքանշաններով պարգեւատրեց ու զարդարեց լամբակները առաւել քան 30 տարիներէ ի վեր Ս. Աստուածածին եկեղեցւոյ շրջանակէն ներս տարբեր պաշտօններով եւ գործունէութեամբ ծառայած, հոգիով ու սիրտով նուիրուած երեք անձնաւորութիւններուն՝ Ռուբէն Գիւրջեանին, տոքթ. Յակոբ Տէր Մկրտիչեանին եւ Յակոբ æաղացպանեանին, առ ի գնահատանք իրենց անմոռաց նուիրումին:
Առաջնորդ սրբազանը, իր փակման եւ օրհնութեան խօսքի սկզբնաւորութեան, գովասանքով արտայայտուեցաւ շնորհալի փոքրիկն դպիր Յակոբիկ Նալճեանի մասին, մեծապէս գնահատեց զինք դաստիարակած ծնողքը եւ հրաւիրեց գաղութիս հայութիւնը՝ օրինակ առնելու եւ նման զաւակներ պատրաստելու, որպէս մեր ապագայ սերունդը: Սրբազան հայրը գոհունակութիւն յայտնեց 40ամեակի սոյն ձեռնարկի յաջողութեան համար սատարած բարերարներուն, ծառայողներուն եւ նուիրատուներուն, ինչպէս նաեւ՝ բոլոր անոնց, որոնք սատար կը հանդիսանան եկեղեցաշէն եւ ազգաշէն ձեռնարկներու եւ գործունէութեանց: Ապա դրուատեց եկեղեցւոյս հոգեւոր հովիւներուն, ազգային երեսփոխաններուն, հոգաբարձութեան եւ յարակից մարմիններու բազմամեայ բեղուն գուծունէութիւնը:
Սրբազան հօր «Պահպանի»չ աղօթքով եւ հաւաքական «Կիլիկիա»ի երգեցողութեամբ, հանդիսութեան պաշտօնական բաժինը իր աւարտին հասաւ: Հրաւիրեալները այս պատմական երեկոյի յուշերով լիցքաւորուած՝ եկեղեցւոյ զօրավիգ կանգնելու վերանորոգ խոստումով, բարձր

տրամադրութեամբ ու բարեմաղթութիւններով բաժնուեցան սրահէն։

 

 

Subscribe to comments feed Մեկնաբանութիւններ (18 posted)

avatar
replica handbags 12/30/2015 18:42:03
Thanks for your share, and this is a nice post i really want share with my friends, and welcome to my blog!
avatar
replica handbags 12/30/2015 18:42:24
I believe this is a special idea i have seen, and for more info you can visit thie web to get more details.
avatar
replica handbags uk 12/30/2015 18:42:48
OH, really thx your wonderful post, this is the info i had found a long time. and really welcome to my blog.
avatar
designer replica handbags 12/30/2015 18:43:16
տրամադրութեամբ ու բարեմաղթութիւններով բաժնուեցան սրահէն։
avatar
gucci replica 03/08/2016 17:59:16
Ս. Աստուածածին Եկեղեցին Տօնեց Իր Հիմնադրութեան 40րդ Տարեդարձը.
avatar
obat stroke 04/08/2016 13:03:36
I found that site very usefull and this survey is very cirious. I ' ve never seen a blog that demand a survey for this actions. very curious...
avatar
Jenita 04/25/2016 19:17:05
that mean and how does it be3u2it&#8fn0;yoe? by subscribing to comments, it means they want to see what others are saying and return to your website! encouraging readers to come back is a great thing to have! w3 total cache (by frederick townes) — makes your blog…
avatar
keren gan
avatar
Vig Power Capsule Herbal 05/31/2016 19:18:26
keren
avatar
success
1 2 next Գումար: 18 | Ցուցադրում: 1 - 10

Ձեր մեկնաբանութիւնը

  • Bold
  • Italic
  • Underline
  • Quote

Մուտքագրել նկարում նշուածները

Captcha
  • Ուղարկել ընկերոջ Ուղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0